Fweny 9:3 - MUMA MALER 2015

³ Bonyo nowuok e irono mopiyo e piny, kendo ne omigi teko machalo gi teko ma thomoni mae piny nigo.

Motingʼo Loko Manyien

³ Kendo bonyo nowuok e yirono mopiyo e piny, to nomigi teko machalo gi teko thomoni manie piny.

Fweny 9:3 ပူးပေါင်းရင်းမြစ်များ

1 Ruodhi 12:11

Wuora ero nomiyou ting’ mapek, an to abiro medou moloyo. Wuora nochwadou gi del, an to abiro chwadou gi thomoni.’ ”

2 Weche mag Ndalo 10:11

Wuora ero nomiyou ting’ mapek, an to abiro medou moloyo. Wuora nochwadou gi del, an to abiro chwadou gi thomoni.’ ”

2 Weche mag Ndalo 10:14

to noluwo rieko mbesene, kowacho niya, “Wuora nomiyou ting’ mapek, to an abiro medou moloyo. Wuora nochwadou gi del, to an abiro chwadou gi thomoni.”

Isaya 33:4

Mwandugi noyaki, mi tieki, mana kaka bonyo nang’o lum, mi tieki. Adier, ji nopot kuomgi mana ka det bonyo.

Ezekiel 2:6

“To in wuod dhano, kik iluorgi, kata kik iluor gima giwacho. Gibiro lwori mana ka kudho, mi giketi diere, kendo inichal mana ka gima idak e kind thomoni. To kata kamano, kik iwe joma wigi tekgo bwogi, kata kik iluor gimoro amora ma giwacho.

Joel 1:4

Bonyo madongo nochamo oboke, bang’e rumbi mar bonyo ma pod tindo nochamo oboke mane odong’.

Joel 2:25

An ema naoronu bonyogo kaka ogandana mar lweny, to abiro dwokonu gik mane olalnu e higni mane gichamoe puotheu.

Nahum 3:15

To e kinde ma utimoe gigo, mach nowang’u, mi tieku pep, kendo ligangla nonegu, mi wasigu notieku mana ka nyithi bonyo ma chamo gik moko duto ma giyudo. Kata obedo ni unywoloru ka dede kamano, to unulal nono mana kaka rumbi mar dede mahuyo kendo lal nono.

Nahum 3:17

kendo jodongu kod jotendu chokore kaachiel mana ka dede mopoto e chiel ka koyo ng’ich. To giduto gibiro ringo mi gilal nono mana ka det bonyo ma ringo ka chieng oowo piny, kendo onge ng’ama ong’eyo kuma gidhiye.

Luka 10:19

To ng’euru ni asemiyou teko duto mag Jasigu, kendo onge gima nohinyu ngang’!

Rapar mar Chik 8:15

nimar notelonu e thim maduong’ kendo malich, kuma otwo ma onge pi, kendo ma thuonde man gi kwiri maricho kod thomoni opong’o. En ema nomiyo pi owuoknu e lwanda motegno,

Fweny 9:5

Ne omi bonyogo thuolo mar sando jogo kuom dueye abich, to ne ok oyienigi mondo gineggi. Rem mane jogo nigo ne chalo gi rem maramo ng’at ma thomoni okayo.

Fweny 9:7

Bonyogo ne chalo gi farese moikore ni lweny. E wigi ne nitie gik machalo gi osimbo mag dhahabu. Wang’gi to ne chalo gi wang’ dhano.

Jong’ad Bura 7:12

Jo-Midian gi jo-Amalek kod jo yo wuokchieng’ duto mane nindo e holo ne ng’eny ka bonyo, kendo ngamia mane gin go nokadho akwana mana ka kuoyo manie dho nam.