Fweny 9:1 - MUMA MALER 2015

¹ Eka malaika mar abich nogoyo tung’ne, mi aneno sulue moro mane oselwar e piny koa e polo. Sulueno ne omi rayaw mar Bur Matut Maonge Gikone.

Motingʼo Loko Manyien

¹ Eka malaika mar abich nogoyo turumbete, mine aneno sulwe moro mane oselwar e piny koa e polo. Sulweno ne omi kifungu mar bur matut maonge gikone.

Fweny 9:1 ပူးပေါင်းရင်းမြစ်များ

Isaya 14:12

In ratego, sulue mar okinyi marieny matek, mano kaka isepodho ka ia e polo!

Luka 10:18

Yesu nowachonigi ni, “Ne aneno ka Satan lwar a e polo, mana ka mil polo!

Luka 8:31

Eka jochiendego nohombo Yesu mondo kik oriembgi gidhi e Bur Matut Maonge Gikone.

Jo-Rumi 10:7

“Kata kik ipenjri ni, ‘Ng’ano ma dilor mwalo e Piny Joma Otho?’ ” tiende ni, ng’ano ma digol Kristo a kuom joma otho?

Fweny 1:18

kendo an e Jal Mangima. Ne atho, to koro angima nyaka Piny Joma Otho.

Fweny 1:20

To koro adwaro nyisi tiend wach mopandi mar sulue abiriyo mineno e lweta ma korachwichgi, kod teyni abiriyo mag dhahabu: Sulue abiriyo gin e malaika mag kanyakla abiriyo mag jo-Kristo, kendo teyni abiriyo gin e kanyakla abiriyogo.

Fweny 11:7

To ka gisetieko hulo wach momigi, to ondiek mowuok e Bur Matut Maonge Gikone noked kodgi, mi logi kendo neggi.

Fweny 17:8

Ondiek mane inenono, yande nitie, to tinde oonge. To obiro wuok e Bur Matut Maonge Gikone mi tieke. Ji duto modak e piny, ma nyinggi ok ondiki e kitap ngima chakre chuech piny, nowuor ka gineno ondiegno, nimar yande entie, to tinde oonge, to nochak oduog kendo.

Fweny 20:1

Eka naneno malaika moro koa e polo lor piny, koting’o rayaw mar Bur Matut Maonge Gikone e lwete kod nyororo maduong’.

Fweny 20:10

kendo Satan mane owuondogi ne owit e ataro mar ligek mach, kama Ondiek kod Janabi mar Miriambo bende nitie. Kuno ginisandre odiechieng’ gotieno nyaka chieng’.

Fweny 6:13

Sulue mae polo nolwar piny mana kaka ng’owo mapok ochiek lwar ka yamo makudho matek ouko.

Fweny 8:10

Eka malaika mar adek nogoyo tung’ne, mi sulue maduong maliel ka meny nolwar oa e polo. Ne olwar kuom achiel mar adek mar aore duto, kendo kuom sokni duto.

Fweny 8:12

Bang’e malaika mar ang’wen nogoyo tung’ne, mi achiel kuom adek mar wang’chieng’, gi achiel kuom adek mar due kod achiel kuom adek mar odiechieng’ kod otieno, notimo mudho.

Fweny 8:2

Eka ne aneno malaika abiriyo mochung’ e nyim Nyasaye, kendo ne omigi tunge abiriyo.

Fweny 9:2

Ne oyawo burno, mi iro owuoke machalo gi ich mach maduong’, mi wang’chieng gi kor polo otimo mudho nikech iro mane owuok e burno.