Fweny 8:4 - MUMA MALER 2015

⁴ Iro mar ubani manie lwet malaikano nodum malo e nyim Nyasaye kaachiel gi lemo mag jo-Nyasaye.

Motingʼo Loko Manyien

⁴ Iro mar ubani motingʼo lamo mag jomaler nodum kadhi malo e nyim Nyasaye koa e lwet malaika.

Fweny 8:4 ပူးပေါင်းရင်းမြစ်များ

Zaburi 141:2

Lemona mondo obedni ka ubani miwang’o e nyimi, kendo bedena mating’o malo mondo obedni ka misango mar odhiambo.

Wuok 30:1

“Los kendo-mar-misango mar wang’o ubani, gi yiend shita.

Kwan 7:62

Bende nochiwo kikombe mar dhahabu ma pekne shekel apar ma ubani opong’o,

Luka 1:10

ka ji to lemo oko e kinde mane iwang’oe ubani.

Tich Joote 10:4

Ne orango malaika mi openje koluor ni, “En ang’o, Ruoth?” Malaika nodwoke ni, “Lemoni gi timbeni mag ng’wono osechopo malo e nyim Nyasaye, kendo Nyasaye osepari.

Fweny 15:8

To iro moa kuom duong’ maler mar Nyasaye gi tekone nopong’o Hekalu, omiyo onge ng’ama ne nyalo donjo e Hekalu ka masiche abiriyo mag malaika abiriyogo pok orumo.

Fweny 8:3

Eka malaika moro nobiro mochung’ e nyim kendo-mar-misango, ka en gi tap ubani mar dhahabu. Ne omiye ubani mathoth mondo ochiw gi lemo mar jo-Nyasaye duto e kendo-mar-misango mar dhahabu mane ni e nyim kom duong’.