Fweny 8:13 - MUMA MALER 2015

¹³ Eka nang’icho mi awinjo ongo ka huyo e kor polo kaywak matek niya, “Lit! Lit! Mano kaka unune malit, un joma odak e piny, nikech tunge modong’ ma malaika adek biro goyo!”

Motingʼo Loko Manyien

¹³ Bangʼe nangʼicho mi awinjo ongo mafuyo e kor polo kaywak matek niya, “Lit! Lit! Lit ni joma odak e piny, nikech turumbete modongʼ ma malaike adek biro goyo!”

Fweny 8:13 ပူးပေါင်းရင်းမြစ်များ

Zaburi 103:20

Pakuru Ruoth Nyasaye, un malaike madongo marateke, mawinjo wachne, kendo morito chikene.

Ezekiel 2:10

Ne oyaro kalatasno, mi aneno ka weche mag ywak gi kuyo kod masiche ondik e iye kendo e dieng’eye.

Jo-Hibrania 1:14

Kamano waneno ni malaika gin mana roho matiyo ni Nyasaye. Nyasaye orogi mondo gikony joma biro yudo warruok.

Fweny 11:14

Masira mar ariyo koro osekadho, to neuru, masira mar adek biro biro piyo.

Fweny 12:12

Omiyo, polo kod joma odakie mondo obed mamor! To mano kaka nobednu malit un piny gi nam, nimar Satan oselor obiro iru ka nigi mirima mager nikech ong’eyo ni odongne mana ndalo matin kende.”

Fweny 14:3

Ne giwero wer manyien e nyim kom duong’ kendo e nyim gik mangima ang’wen kod jodongo kande. To onge ng’ama ne nyalo puonjore wendno mak mana ji alufu mia achiel gi mia ang’wen gang’wen, (144,000) ma gin kende e joma ne owar oa e piny.

Fweny 14:6

Eka ne aneno malaika moro ka huyo e kor polo. Ne en gi Wach Maber mochwere mondo oland ni joma odak e piny. Nolando wachno ni pinje duto, kod ogendini duto.

Fweny 19:17

Eka ne ang’iyo wang’chieng’ mi aneno malaika moro kochung’ kuno. Ne okok matek ni winy duto mane huyo e kor polo niya, “Chokreuru ubi e sawo maduong’ mar Nyasaye,

Fweny 3:10

Ne amiyi chik ni mondo itim kinda, kendo iserito chiknano, omiyo an bende abiro riti e ndalo mar masira mabiro kwako piny ngima, mondo otemgo ji duto modak e piny.

Fweny 8:2

Eka ne aneno malaika abiriyo mochung’ e nyim Nyasaye, kendo ne omigi tunge abiriyo.

Fweny 9:1

Eka malaika mar abich nogoyo tung’ne, mi aneno sulue moro mane oselwar e piny koa e polo. Sulueno ne omi rayaw mar Bur Matut Maonge Gikone.

Fweny 9:12

Masira mokwongo koro osekadho, to masiche ariyo mamoko pod biro.