Fweny 8:1 - MUMA MALER 2015

¹ Kane Nyarombo oketho kido marabiriyo, to polo noling’ thi kuom kinde ma dirom nus sa.

Motingʼo Loko Manyien

¹ Kane oketho kido mar abiriyo, polo nolingʼ thi kuom kinde ma dirom nus sa.

Fweny 8:1 ပူးပေါင်းရင်းမြစ်များ

Ayub 4:16

Ne aneno ka gimoro ochung’ buta kanyo, to kata obedo ni ne arange, ne ok anyal ng’eyo ni en ang’o. Piny noling’ thi, eka ne awinjo dwol machil kawacho niya,

Zaburi 37:7

Bed gi kue e nyim Ruoth Nyasaye, kendo hori mos kirite. Kik iwe chunyi chandre nikech ji madhi maber, kata nikech joma timo timbe maricho.

Zaburi 62:1

Nyasaye kende ema ayiengora kuome, kendo resruokna wuok mana kuome.

Habakuk 2:20

Ruoth Nyasaye to nie Hekalu mare. Piny duto mondo oling’ thi e nyime!

Zekaria 2:13

Ji duto mondo oling’ e nyim Ruoth Nyasaye, nimar osechiew, moa kar dakne maler.

Mathayo 27:66

Kuom mano ne gidhi, mi girito liel maber. Ne giketo kido kuom kidi mane olorgo dho liel, kendo ne giweyo askeche karito.

Fweny 5:1

Bang’ mano, ne aneno kitabu ma Jal mane obet e kom duong’no oting’o e lwete ma kor achwich. Ne ondik iye gi toke bende, kendo ne odine gi kido abiriyo.

Fweny 5:9

Ne giwero wer manyien niya “In ema iwinjori kawo kitabuni, mi iketh kido modinego, nikech in ema ne onegi kendo rembi ema ne ing’iewogo ni Nyasaye ji moa e dhoudi duto kendo mawacho dhok duto, kendo moa e ogendini duto kod pinje duto.

Fweny 6:1

Bang’ mano ne aneno ka Nyarombo ketho kido achiel kuom kido abiriyo modin-go kitabu, mi awinjo ka achiel kuom gik mangima ang’wengo wacho gi dwol machalo mor polo niya, “Bi”

Fweny 6:12

Eka ne ang’icho, kendo kane Nyarombo oketho kido mar auchiel, to piny noyiengni matek. Wang’chieng’ nolokore marateng’ ti, kendo due nolokore makwar ka remo.

Fweny 6:3

Kane Nyarombo oketho kido mar ariyo, ne awinjo gima ngima mar ariyo kawacho niya, “Bi!”

Fweny 6:5

Bang’ mano Nyarombo noketho kido mar adek, kendo ne awinjo gima ngima mar adek kawacho ni, “Bi!” Ne ang’icho mi aneno faras marateng’. Ng’at moidhe noting’o rapim mar ratil e lwete.

Fweny 6:7

To kane Nyarombo oketho kido mar ang’wen, ne awinjo dwond gima ngima mar ang’wen kawacho niya, “Bi!”

Fweny 6:9

Kane Nyarombo oketho kido mar abich, ne aneno chuny jomoko e bwo kendo-mar-misango. Ne gin joma ne osenegi nikech Wach Nyasaye, kendo nikech ne gisiko ka gihulo ni giyie kuome.