Fweny 7:9 - MUMA MALER 2015

⁹ Bang’ mano, ne ang’icho mi aneno ji mang’eny mokadho akwana moa e pinje duto gi dhoudi duto kod ogendini duto. Ne gichung’ e nyim kom duong’, kendo e nyim Nyarombo, ka girwakore gi lewni marachere, kendo giting’o othidhe e lwetgi.

Motingʼo Loko Manyien

⁹ Bangʼ mani ne angʼicho, mi naneno oganda mar ji mangʼeny ma ok kwanre moa e pinje duto gi dhoudi kod ogendini kod dhok duto kochungo e nyim kom duongʼ, kendo e nyim Nyarombo. Negirwako kandhe marochere bende negitingʼo othidhe e lwetgi.

Fweny 7:9 ပူးပေါင်းရင်းမြစ်များ

Chakruok 13:16

Anami nyikwayi bed mang’eny mana ka lowo mae piny. Kapo ni ng’ato nyalo kwano lowo mae piny, to kara nyikwayi bende nokwan.

Chakruok 49:10

Juda nomak ludh loch, kochunge e kind tiendene, kobedo ruoth nyaka wuon loch ma biro rito ogendini duto, chopi.

Zaburi 2:8

Koro kwaya mondo amiyi ogendini duto, mondo piny ngima obed mari.

Zaburi 22:27

Ogendini duto nopar Ruoth Nyasaye. Ginidhi ire ka gia e tung’ piny gi tung’ piny. Adier, ogendini duto nolame.

Zaburi 76:4

A Nyasaye, mano kaka nyingi duong’! Mano kaka iwuotho motegno, ka iduogo ia e gode kuma ne iloyoe wasiki.

Zaburi 77:2

E kinde mane anie chandruok to ne alamo Ruoth. Otieno duto ne ating’o bedena malo, ka alemo, to chunya ne ok nyal yudo kue.

Zaburi 98:3

Orito singruok mane otimo kod jo-Israel, gi adiera, konyisogo ni oherogi gi hera mosiko. Ji duto oseneno resruok moa kuom Nyasachwa.

Jeremia 16:19

Eka Jeremia nolemo ka wacho kama: “A Ruoth Nyasaye, in ema imiya teko, kendo irita, bende in e kara ma abwokie e kinde mag chandruok. Ogendini moa tung’ piny ka tung’ piny nobi iri, kawacho niya, ‘Kwerewa ne lamo nyiseche manono ma gin mana kido ma onge tich.

Jeremia 3:17

E ndalogo noluong Jerusalem ni komduong’ mar Ruoth Nyasaye, kendo ogendini duto nochokre kuno mondo omi nyinga duong’. Ok ginichak gitim tim wich teko, bende ok ginibed gi chuny mar timo richo.

Ezekiel 47:5

Ne ochako opimo mita mia abich, to koro aora nodoko matut mane ok anyal yoro, mak mana ka agoyo abal.

Daniel 4:1

Ruoth Nebukadnezar nolando wach ni ogendini duto mae piny ngima, bed ni gia e dhoot mane, kata bed ni giwacho dhok mane. Nowachonigi niya, “Amosou gi mos mogundho.

Daniel 6:25

Bang’e ruoth Darius nondiko ni ogendini duto mae piny, bed ni gia e dhoot mane, kata giwacho dhok mane, kowacho niya, “Amosou uduto gi mos mogundho.

Hosea 1:10

“To kata kamano jo-Israel nobed mang’eny ma ok nyal kwan kata pim, mana ka kuoyo mae dhonam. Sani koro awachonigi ni ok gin joga, kendo chieng’ moro nawachnigi niya, ‘Un nyithind Nyasaye mangima’,

Tim jo-Lawi 23:40

Chieng’ mokwongono unukaw olembe mag yien mabeyo gi bede othidhe kod bede yien motimo otie, kaachiel gi bede yien matwi e tiend aore, mi unubed mamor e nyim Ruoth Nyasaye ma Nyasachu kuom ndalo abiriyo.

Zekaria 10:8

“Abiro luongogi gi liyo mondo achokgi, mi ginibed mang’eny mana kaka ne gin chon.

Zekaria 2:11

Chieng’no ogendini mang’eny nobi ir Ruoth Nyasaye mi bed joge kendo enodag e kindu

Luka 12:1

E kindeno, kane ji osechokore gana gi gana ma koro ginyonore anyona, Yesu nokwongo owuoyo gi jopuonjrene, kowachonigi niya, “Beduru motang’ ni thop jo-Farisai, ma en mana wuondruok.

Luka 21:36

Omiyo beduru motang’ kulemo pile mondo uyud teko mar tony e gik mabiro timore duto, kendo uchung’ e nyim Wuod Dhano.”

Johana 12:13

Ne gijako bede othidhe, mi gidhi romone, ka gikok niya, “Opak Nyasaye! Oguedh ng’ama biro e nying Ruoth! Adier Nyasaye mondo ogwedh Ruodh Israel!”

Jo-Rumi 11:25

Owetena, wach moro mopondo nitie e wachni ma adwaro mondo ung’e, nikech dipo ka uparo ni uriek. Wachno chalo kama: Bath jo-Israel konchiel chunygi osedoko matek, to mano biro dhi nyime nyaka kar romb joma ok jo-Yahudi ma Nyasaye dwaro, yud warruok.

Jo-Efeso 6:13

Omiyo, manreuru gi gilweny mag Nyasaye sani, mondo usir wasigu chieng’ ma lweny gerie, kendo kusetimo duto munyalo, to nonwang’ kapod uchung’ motegno.

Jo-Hibrania 11:12

Kuom mano Ibrahim, mane chalo gi ng’ama osetho, noyudo nyikwayo mang’eny ka sulue manie polo, kendo mathoth ka kuoyo manie dhonam ma ok nyal kwan.

Jo-Hibrania 12:22

Ooyo, un uchung’ e nyim got Sayun, dala mar Nyasaye mangima, ma en Jerusalem manie polo, kendo uchung’ e nyim malaika gana gi gana. Unie nyim chokruok ma galamoro mar nyithind Nyasaye.

Fweny 11:15

Eka malaika mar abiriyo nogoyo tung’ne, kendo dwol moko nokok matek e polo kawacho niya, “Loch mar pinyni koro osedoko mar Ruodhwa kod Mesia mare, kendo obiro locho nyaka chieng’.”

Fweny 22:3

Gik ma Nyasaye okwedo to nolal nono. Kom duong’ mar Nyasaye gi Nyarombo ema nobedie, kendo jotichne nolame.

Fweny 3:18

To ang’adoni rieko ni mondo ing’iew kuoma dhahabu mopwodhi gi mach mondo inwang’ mwandu. Lewni marachere bende ing’iew kuoma irwakrigo mondo igeng’go dugi makeloni wichkuot. Yath bende ng’iew, iwirgo wang’i mondo inen.

Fweny 4:4

To e alwora mar komno ne nitie kombe mamoko piero ariyo gang’wen, ma jodongo piero ariyo gang’wen obetie. Ne girwako lewni marachere, kendo ne gisidho osimbe mag dhahabu e wigi.

Fweny 5:11

Eka ne achako ang’icho, mi awinjo dwond malaika mang’eny molworo kom duong’ kaachiel gi gik mangima kod jodongogo. Kwan-gi ne gana gi gana, kendo tara gi tara.

Fweny 5:9

Ne giwero wer manyien niya “In ema iwinjori kawo kitabuni, mi iketh kido modinego, nikech in ema ne onegi kendo rembi ema ne ing’iewogo ni Nyasaye ji moa e dhoudi duto kendo mawacho dhok duto, kendo moa e ogendini duto kod pinje duto.

Fweny 6:11

Eka ne omigi law marachar ng’ato ka ng’ato, kendo ne owachnigi ni mondo gimed yueyo mondi matin nyaka chop kar romb jotich wetegi kod owetegi mane ibiro nego kaka gin, rom.

Fweny 7:8

E dhood Zebulun ji alufu apar gariyo. E dhood Josef ji alufu apar gariyo. E dhood Benjamin ji alufu apar gariyo.