Fweny 7:12 - MUMA MALER 2015

¹² ka giwacho niya, “Amin! Pak gi duong’ gi rieko gi erokamano gi pwoch gi teko kod nyalo obed ni Nyasachwa nyaka chieng’! Amin!”

Motingʼo Loko Manyien

¹² Kagiwacho niya, “Amin! Pak gi duongʼ kod rieko gi erokamano gi luor kod teko gi nyalo obed ni Nyasachwa, nyaka chiengʼ. Amin!”

Fweny 7:12 ပူးပေါင်းရင်းမြစ်များ

Nehemia 12:46

Ndalo Daudi ema ne Asaf okawoe tich bedo jatend jower, kochano wende mag pak kod mag goyo erokamano ni Nyasaye.

Nehemia 12:8

Jo-lawi ne gin: Jeshua gi Binui gi Kadmiel gi Sherebia gi Juda kod Matania. Matania nogono kaachiel gi jowetene, ema ne telo ni wer sa lemo.

Zaburi 100:4

Donjuru ei Hekalu mare kugoyo erokamano, kendo pakeuru e laru mar ode. Ee, goneuru erokamano, kendo dendeuru.

Zaburi 106:48

Wadenduru Ruoth Nyasaye ma Nyasach Israel higni gi higni. Ji duto mondo owach niya, “Obed kamano!” Pakuru Ruoth Nyasaye!

Zaburi 107:22

Onego gigone erokamano gi misengni, kendo giwer wende ma nyiso gik moko duto mosetimo.

Zaburi 116:17

Abiro chiwoni misango mar erokamano, kendo abiro lami.

Zaburi 147:7

Weruru ni Nyasachwa wende pak, kugoyone thum mamit.

Zaburi 41:13

Wapakuru Ruoth Nyasaye, ma Nyasach Israel. Ee, pakeuru sani, kendo nyaka chieng’! Amin! Amin!

Zaburi 50:14

Ooyo, to erokamano ema mondo obed misango mutimona, kendo chiwuru ni Ng’ama Duong’ Moloyo gik mane usingoru.

Zaburi 72:19

Pakuru nyinge maduong’ nyaka chieng’, kendo duong’ne maler mondo opong’ piny! Amin!

Zaburi 89:52

Wapakuru Ruoth Nyasaye nyaka chieng’. Amin.

Zaburi 95:2

Wadhiuru e nyime kwagoyone erokamano, kendo wawerne wende mag pak gi ilo

Isaya 51:3

An Ruoth Nyasaye naho chuny Sayun. Adier, anaguedh kuonde modong’ gundni, mi alok kuonde motimo ongoro bed ka Eden, puoth Nyasaye. Mor gi ilo, kaachiel gi erokamano kod wer mamit nopong’ Sayun.

Jeremia 33:11

To ubiro chako winjo mor gi ilo kuondego. Dwond mon ma miehni gi chwogi bende nowinji. Unuwinj ka ji wer ka gikelo chiwo mag erokamano e Hekalu mara niya, ‘Gouru erokamano ni Ruoth Nyasaye Manyalo Gik Moko Duto, nikech ong’won kendo herane osiko.’ Abiro miyo pinyni bed maber mana kaka ne ochalo chon. An Ruoth Nyasaye ema awacho kamano.”

Jeremia 33:9

Jerusalem nobed kama miya mor, kendo makelona pak gi duong’, mi ogendini duto mae piny nobed maluor kendo makirni ka giwinjo gik moko duto mabeyo ma atimo ni jo-Jerusalem, kod dongruok maber ma akelo ni dalani.”

Jona 2:9

an to natimni misango, ka apaki gi wer. Anachul gima asingorani. Ruoth Nyasaye ema reso ji!”

Mathayo 6:13

Kik iwe wadonj e tem, to reswa e richo, [ nimar loch gi teko kod duong’ gin magi nyaka chieng’. Amin.]

Jo-Rumi 11:36

En ema ne ochueyo gik moko duto, kendo ema omiyo gisiko gintie, bende en ema omiyogi gima omiyo gintie. Duong’ obedne nyaka chieng’! Amin.

1 Jo-Korintho 14:16

Ka igoyo ni Nyasaye erokamano mana gi chunyi, ka idhum gi Roho, to ere kaka ng’ato ang’ata mobet e chokruokno diwach ni, ‘Amin’, bang’ erokamano migoyono, ka ok ong’eyo tiend gima iwacho?

2 Jo-Korintho 4:15

Mago duto obetie nikech un, mondo kaka ji mayudo ng’wono mogundho mar Nyasaye medore, e kaka erokamano mimiyogo Nyasaye duong’ bende omedore.

Jo-Kolosai 2:7

Beduru kumoko kuome, kendo kugeroru kuome, kendo kumedo bedo gi yie motegno, mana kaka ne opuonju, kendo gouru erokamano mogundho.

Jo-Kolosai 3:17

Gimoro amora ma uwacho kata utimo onego obedi e nying Ruoth Yesu, kugoyoni Nyasaye Wuoro erokamano e nyinge.

Juda 1:25

En e Nyasaye ma Jawarwa kuom Yesu Kristo Ruodhwa, man gi duong’ gi teko kod loch, nyaka nene, kendo kawuono, kendo nyaka chieng’. Amin.

Fweny 1:18

kendo an e Jal Mangima. Ne atho, to koro angima nyaka Piny Joma Otho.

Fweny 19:4

To jodongo piero ariyo gang’wen gi gik mangima ang’wen kande, nopodho piny mi olamo Nyasaye mobet e kom duong’, kawacho ni, “Ber mondo obed kamano! Opak Nyasaye!”