Fweny 6:9 - MUMA MALER 2015

⁹ Kane Nyarombo oketho kido mar abich, ne aneno chuny jomoko e bwo kendo-mar-misango. Ne gin joma ne osenegi nikech Wach Nyasaye, kendo nikech ne gisiko ka gihulo ni giyie kuome.

Motingʼo Loko Manyien

⁹ Kane oketho kido mar abich, ne aneno chunje jomoko mane osenegi ka nitie e bwo kendo mar misango nikech Wach Nyasaye kendo nikech neno mane gisiko gihulo.

Fweny 6:9 ပူးပေါင်းရင်းမြစ်များ

Chakruok 4:10

Ruoth Nyasaye nopenje kendo niya, “Ang’o misetimoni? Winji! Remb owadu misechuero ywakna e lowo.

Wuok 29:12

Kaw rembe moko, imien gi lith lweti e tunge kendo-mar-misango. To remo duto modong’ iol e tiend kendono.

Tim jo-Lawi 4:7

Bang’ mano, jadolono nomien remo moko e tunge kendo-mar-misango miwang’oe ubani e nyim Ruoth Nyasaye ei Hemb Romo, to nopuk remo duto modong’ e tiend kendo-mar-misango miwang’o pep manie dho Hemb Romo.

Johana 16:2

Ji biro riembou e ut lemo. Adier, ndalo biro ma ka ng’ato onegou, to nopar mana ni otimo gima Nyasaye morgo.

2 Jo-Korintho 5:8

Awacho ni wan gi chir, kendo daber kwaweyo dak e ringruok, mi wadhi wadak gi Ruoth.

Jo-Filipi 1:23

nikech gik moko ariyogo beyona duto. To agombo ahinya ni aa, mondo adhi abed gi Kristo, nikech mano ema dibedna maber moloyo.

Jo-Filipi 2:17

Yie maru en misango muchiwo ni Nyasaye, omiyo kata ka obedo ni remba iolo kimedo e misangono, to berna, kendo adwaro mondo uduto ung’e kaka amor.

2 Timotheo 1:8

Omiyo kik wiyi kuodi kod nyiso ji wach Ruodhwa, kata kik wiyi kuod koda, an ng’ate motue. To kuom teko mar Nyasaye, yie mondo ine masiche kodwa nikech Injili.

2 Timotheo 4:6

An to, ngimana chalo gi misango miolo piny e kendo-mar-misango, kendo kinde ma aago e pinyni chiegni,

Jo-Hibrania 12:23

En chokruok mar nyithind Nyasaye makayo, ma nyinggi ondiki e polo. Uchung’ e nyim Nyasaye ma Jang’ad Bura ni ji duto, kendo e nyim chuny joma beyo ma Nyasaye osemiyo odoko joma kare.

Fweny 1:2

mi Johana nonyiso ji gik moko duto mane oneno. Adier, noneno gik mane Nyasaye dwaro timo, kendo mane Yesu Kristo bende osewacho ni adier.

Fweny 1:9

An owadu Johana, an e achiel kodu e sand gi loch kod kinda ma wan-go kuom Kristo Yesu. Ne oketa e chula miluongo ni Patmo nikech nalando wach Nyasaye, kendo awuoyo kuom Yesu e lela.

Fweny 14:18

Eka malaika machielo man gi teko kuom mach noa e kendo-mar-misango. Ne okok matek ni malaika mane nigi pand keyo mabithno niya, “Kaw pandi mar keyo mabithno mondo ichok olemb mzabibu mag piny nikech olembene ochiek ahinya!”

Fweny 16:7

Eka ne awinjo kendo-mar-misango kawacho niya, “Adier, in Ruoth Nyasaye Manyalo Gik Moko Duto, ing’ado bura madieri kendo makare!”

Fweny 19:10

Ne apodho piny e tiende mondo alame, to nokwera ni, “Ngang’! Kik itim kamano! An mana jatich wadu matiyo kodi kaachiel gi oweteni mamoko. Wan duto wahulo wach man kuom Yesu. Nyasaye kende ema mondo ilam. Adiera ma Yesu kelo ema miyo jonabi koro wach.”

Fweny 2:13

“ ‘Ang’eyo kama idake. En kama kom mar duong’ mar Satan nitie. To irito nyinga ahinya, kendo ne ok ikwedo yie ma iyiego kuoma, kata mana e ndalo mane Antipa, janeno mara mar adier, onegi e dalau, kama Satan odakie.

Fweny 20:4

Bang’ mano ne aneno kombe mag duong’, kendo joma ne obet e kombego ne omi teko mar ng’ado bura. Bende ne aneno chuny joma noseng’ad wiyegi nikech ne gihulo wach man kuom Yesu, kendo nikech ne gilando wach Nyasaye. Gin ne ok gilamo Ondiek kata gima ket kode, bende ne ok oketnigi alama mar Ondiek e lela wengegi kata e luetgi. Ne gidoko mangima, mi gilocho gi Kristo kuom higni alufu achiel. Mano e chier mokwongo.

Fweny 8:3

Eka malaika moro nobiro mochung’ e nyim kendo-mar-misango, ka en gi tap ubani mar dhahabu. Ne omiye ubani mathoth mondo ochiw gi lemo mar jo-Nyasaye duto e kendo-mar-misango mar dhahabu mane ni e nyim kom duong’.

Fweny 9:13

Bang’ mano, malaika mar auchiel nogoyo tung’ne, mi awinjo dwol moro moa e tunge ang’wen mag kendo-mar-misango mar dhahabu manie nyim Nyasaye.