Fweny 6:8 - MUMA MALER 2015

⁸ Eka ne ang’icho mi aneno faras marabuor. Nying ng’at moidhe ne Tho, to Piny Joma Otho ne luwo machiegni. Ne omigi teko kuom bath piny moromo achiel kuom ang’wen, mondo gimi lweny kata kech kata tuoche kata ondiegi maricho mae piny oneg ji.

Motingʼo Loko Manyien

⁸ Nangʼicho to ne aneno faras marabuor e nyima! Ngʼat moidhe niluongo ni Tho, to piny joma otho ne luwo bangʼe machiegni. Ne omigi teko kuom bath piny moromo achiel kuom angʼwen mondo gimi lweny kata kech kata dera kata tuoche kata ondiegi maricho mag bungu mondo gineg ji.

Fweny 6:8 ပူးပေါင်းရင်းမြစ်များ

Ngeche 5:5

Obiro teri e Piny Joma Otho, nimar owuotho mana e yo maridore kochomo tho!

Isaya 25:8

Enotiek tho nyaka chieng’. Bang’e enoywe pi wang’ ng’ato ka ng’ato, kendo nogol achaye man kuom joge e piny duto. Ruoth Nyasaye ema owacho kamano.

Jeremia 14:12

Kata ka gitueyo chiemo, to ok nawinj ywakgi, kendo kata ka gichiwona misengni miwang’o pep, gi mag erokamano, to ok nabed mamor kodgi. Abiro miyo githo e lweny, kendo kech gi tuo biro negogi.”

Jeremia 16:16

“Abiro oro ji mang’eny mondo omak jogi, mana kaka jolupo maluwo rech. Bang’e naor jodwar mang’eny mondo odwargi e gode duto koda ka e kind lwendni.

Jeremia 16:4

Tuoche maricho biro negogi, to onge ng’ama noywaggi, bende ok noyikgi. Ginidhurre pidhe pidhe mana ka owuoyo miolo e puothe. Moko notho e lweny to moko kech nonegi, kendo winy gi ondiegi nocham ringrergi.

Jeremia 24:10

Anakel kuomgi lweny gi kech kod tuo, nyaka chop girum pep e piny mane amiyogi gi kweregi.”

Jeremia 29:17

Ruoth Nyasaye Manyalo Gik Moko Duto wacho niya, ‘Abiro kelo lweny gi kech gi tuoche kuomgi, kendo abiro miyo gichal ka ng’owo motop ma ok nyal cham.

Jeremia 43:11

Adier, enobi, mi olo piny Misri. Joma oket ni mondo tuoche oneg, tuoche biro nego, kendo joma oket ni itero e tuech, noter e tuech, bende joma oket ni tho e lweny, biro tho e lweny!

Ezekiel 29:5

Anaboli e thim kaachiel gi rechgo duto, mi ringri norodhre piny kuno. Ok noyiki to wachiwi ni winy kod ondiegi mondo ochami.

Ezekiel 5:12

Achiel kuom adek mar jou, tuo gi kech nonegi Jerusalem, to achiel kuom adek machielo ligangla ema nonegi e alwora mar dala. Achiel kuom adek modong’ to anake e tung’ piny gi tung’ piny, ka alawogi gi ligangla.

Hosea 13:14

Uparo ni abiro reso jogi kuom tho, kata konyogi ni kik gidhi e piny joma otho? Ooyo! In tho, bi gi masicheni duto, kendo in piny joma otho, bi gi kethruokni duto, nimar ok abi kecho jogi.

Habakuk 2:5

Andhoke ma jo-Babulon sungore, to ok ginidhi maber. Gisechoko ogendini mang’eny moa e pinje mopogore opogore, ka wuoro omakogi, to ok ginyal yieng’.

Zekaria 6:3

Mar adek to ne nigi farese marachere, kendo mar ang’wen ne nigi marang’eye.

Mathayo 11:23

“To in dala, mar Kapernaum, iparo ni initing’ri malo nyaka e polo koso? Ooyo, ibiro boli piny, mana e Piny Joma Otho! Dine bed ni honni mane otim kuomi ne otim Sodom, to dikoro Sodom pod nitie nyaka chil kawuono!

Mathayo 24:7

nimar ogendini noked gi ogendini wetegi, kendo ruodhi nomonj ruodhi wetegi. Kech bende nowuogi, kendo piny noyiengini kuonde mopogore opogore.

1 Jo-Korintho 15:55

In tho, ere lochni? In tho, ere lit mikelo?”

Fweny 1:18

kendo an e Jal Mangima. Ne atho, to koro angima nyaka Piny Joma Otho.

Fweny 12:4

Iwe noywayo achiel kuom adek mar sulue mae polo mi owito e piny. Thuol malichno nochung’ e nyim dhako mane dwaro nywolno mondo ocham nyathine kosenywolo.

Fweny 9:15

Omiyo ne ogony malaika ang’wen mane oseiki ni sano gi odiechieng’no gi dueno kod higano, mondo oneg achiel kuom adek mar ji duto.

Fweny 9:18

Masiche adekgo, ma gin mach gi iro kod pilni mach mane wuok e dho faresego nonego achiel kuom adek mar ji duto,