Fweny 6:5 - MUMA MALER 2015

⁵ Bang’ mano Nyarombo noketho kido mar adek, kendo ne awinjo gima ngima mar adek kawacho ni, “Bi!” Ne ang’icho mi aneno faras marateng’. Ng’at moidhe noting’o rapim mar ratil e lwete.

Motingʼo Loko Manyien

⁵ Kane Nyarombo noketho kido mar adek, ne awinjo gima ngima mar adek kawacho niya, “Bi!” Ne angʼicho to e nyima kanyo ne nitie faras maratengʼ! Ngʼat moidhe ne otingʼo ratil e lwete.

Fweny 6:5 ပူးပေါင်းရင်းမြစ်များ

Ywagruok 5:10

Dendwa liet mana ka mach nikech tuo ma kech okelonwa.

Ezekiel 4:10

To cham mana chiemo moromo achiel kuom ang’wen mar kilo e odiechieng’ kodiechieng’, kendo nyaka ichame mana dichiel e sa moketi.

Ezekiel 4:16

Bang’e nowacho niya, “Wuod dhano, abiro miyo chiemo bed mamit Jerusalem. Ji nopim chiemo ma gichamo ka parore. Pi ma gimodho bende ginipim ka gidhier nono.

Tim jo-Lawi 26:26

Anami chiembu doko manok, mi agulu achiel norom mon apar tedoe. Ginipimnu chiemo mana e rapim, kendo kata kuchiemo, to ok unuyieng’ ngang’.

Zekaria 6:2

Gari mokwongo ne nigi farese ma silwende, to mar ariyo ne nigi maratenge.

Zekaria 6:6

Gari man gi farese maratengeno dhiyo e piny ma yo nyandwat, to mano man gi farese marachere dhiyo e piny ma yo imbo man iye mogik, kendo mano man gi farese marang’eye dhiyo e piny Babulon man yo milambo. To kane farese marang’eye wuok,

Mathayo 24:7

nimar ogendini noked gi ogendini wetegi, kendo ruodhi nomonj ruodhi wetegi. Kech bende nowuogi, kendo piny noyiengini kuonde mopogore opogore.

Fweny 5:5

To ng’at achiel kuom jodongogo nokona niya, “We ywak, nikech Sibuor moa e dhood Juda, ma nyakwar Daudi, ema oselocho! Emomiyo en gi ratiro mar ketho kido abiriyogo, mi oel kitabuno.”

Fweny 5:9

Ne giwero wer manyien niya “In ema iwinjori kawo kitabuni, mi iketh kido modinego, nikech in ema ne onegi kendo rembi ema ne ing’iewogo ni Nyasaye ji moa e dhoudi duto kendo mawacho dhok duto, kendo moa e ogendini duto kod pinje duto.

Fweny 6:1

Bang’ mano ne aneno ka Nyarombo ketho kido achiel kuom kido abiriyo modin-go kitabu, mi awinjo ka achiel kuom gik mangima ang’wengo wacho gi dwol machalo mor polo niya, “Bi”