Fweny 6:4 - MUMA MALER 2015

⁴ Eka faras machielo ma silwal nowuok. To ng’at moidhe nomi teko mar kelo lweny e piny, mondo ji onegre, kendo ne omiye ligangla maduong’!

Motingʼo Loko Manyien

⁴ Eka faras machielo ma silwal nobiro. Ngʼat moidhe ne omi teko mondo ogol kwe e piny, mondo ji onegre kendgi. Ngʼatno nomi ligangla maduongʼ!

Fweny 6:4 ပူးပေါင်းရင်းမြစ်များ

Zaburi 17:13

A Ruoth Nyasaye, bi mondo iked gi wasika kod ilogi. Resa gi liganglani e lwet joricho.

Daniel 5:19

Omiyo ogendini duto mae piny ngima, bed ni gia e dhoot mane kata giwacho dhok mane, ne oluore kendo ne tetni e nyime. Kapo ni ne odwaro nego ng’ato, to onego anega, kata kane odwaro weyo ng’ato ka ngima, to oweyo aweya. Ne onyalo miyo ng’ato teko, kata mayogo tekono, mana kaka en ema ohero.

Zekaria 1:8

Nende aneno fweny gotieno ni ng’ato oidho faras masilwal, kochung’ e kind yien e holo moro. To kadieng’eye ne nitie farese ma silwende gi marabuore kod marachere.

Zekaria 6:2

Gari mokwongo ne nigi farese ma silwende, to mar ariyo ne nigi maratenge.

Mathayo 10:34

“Kik ugal ni asebiro mondo akel kue e piny. Ooyo, asebiro mana ni mondo akel lweny.

Mathayo 24:6

Unuwinj mahu mag lwenje man kuonde machiegni, kod wach lwenje man kuonde maboyo, to kik chunyu parre. Gik ma kamago nyaka timre, to mano ok onyiso ni giko mar piny osechopo,

Johana 19:11

To Yesu nodwoke niya, “Ok dibedo gi teko kuoma kata matin, ka da ok tekono obironi koa malo. Kuom mano, ng’at mane oketa e lueti nigi richo moloyo.”

Fweny 12:3

Eka ranyisi machielo bende ne onenore e polo. Ne en thuol mang’ongo, makwar kendo malich, man gi wiye abiriyo kod tunge apar, kendo ma osimbo abiriyo osidhi e wiyego.

Fweny 13:10

Ng’at ma onego tue nyaka tue, kendo ng’at monego negi e lweny, to nyaka negi e lweny, ma e kinde ma jo-Nyasaye nyaka timie kinda kendo nyaka bedie motegno.

Fweny 17:3

Bang’e Roho nomaka, mi malaika nokawa motera e thim, kuma nanenoe dhako moro koidho ondiek makwar. Nying mag ayany nondik e dend ondiegno duto, kendo ne en gi wiye abiriyo kod tunge apar.

Fweny 17:6

Bende ne aneno ka remb jo-Nyasaye, kod remb joma ohulo ni Yesu e Ruoth, omero dhakono. Kane anene to ne awuoro ahinya,