Fweny 5:5 - MUMA MALER 2015

⁵ To ng’at achiel kuom jodongogo nokona niya, “We ywak, nikech Sibuor moa e dhood Juda, ma nyakwar Daudi, ema oselocho! Emomiyo en gi ratiro mar ketho kido abiriyogo, mi oel kitabuno.”

Motingʼo Loko Manyien

⁵ To achiel kuom Jodongogo nowachona niya, “We ywak! Nikech Sibuor moa e dhood Juda ma Nyakwar Daudi ema oselocho kendo en ema owinjore elo kitabu modin gi kido abiriyogo.”

Fweny 5:5 ပူးပေါင်းရင်းမြစ်များ

1 Ruodhi 10:20

kendo sibuoche apar gariyo moko nochung’ moro ka moro e dir raidhi koni gi koni. Onge piny moro ma noselosie kom ruoth machal gi mano.

2 Weche mag Ndalo 9:18

Kom duong’no ne nigi raidhi man gi kuonde minyono auchiel gi raten tielo mar dhahabu momakore gi kom. To sibuoche ariyo mag dhahabu nochung’ e bath bede kom koni gi koni.

Ayub 41:15

Dier ng’eye olos gi sare, moriedo machalo okumbni motue kanyakla, kendo matek ka lwanda.

Isaya 11:1

Bang’e nyakwar Jesse moro nowuogi, mana ka bad yath maloth.

Isaya 11:10

E ndalogo, nyakwar Jesseno noketi ka ranyisi ni ji. Ogendini nobi ire, kendo dalane nobed gi duong.

Jeremia 31:16

Ling’ iwe ywak, kendo ywe pi wang’i, nimar niyud pok nikech gik misetimo ni nyithindi. Gibiro duogo ka gia e piny wasigu. An Ruoth Nyasaye ema awacho kamano.

Daniel 7:16

Omiyo ne adhi ir ng’at achiel kuom joma ne ochung’ kanyo, mi apenje mondo onyisa tiend fwenygo. Eka nonyisa, kowachona niya,

Kwan 24:9

Uchalo gi sibuor madhako manindo piny, ma onge ng’ama hedhore chiewo. Joma guedhou mondo oyud gueth, to joma kuong’ou mondo oyud kuong’!”

Luka 23:28

To Yesu nolokore, mowachonigi niya, “Un nyi Jerusalem, weuru ywaga, to ywagreuru mana un uwegi, kendo ywaguru nyithindu,

Luka 7:13

Kane Ruoth Yesu oneno dhakono, nokeche, mowachone niya, “We ywak.”

Luka 8:52

Ji duto mane ni kuno ne ywago nyathino malit, komako wigi, to Yesu nowachonigi niya, “Weuru ywak, nikech nyathi ok otho, to onindo aninda.”

Johana 20:13

Ne gipenje ni, “Nyarwa, ang’o momiyo iywak?” To ne odwokogi ni, “Gisegolo ruodha, to akia kama giketee.”

Jo-Rumi 1:3

En Wach Maber mawuoyo kuom Wuode ma Ruodhwa Yesu Kristo. Korka anywola mar dhano, ne en nyakwar Daudi,

Jo-Rumi 15:12

Isaya bende wacho niya, “Nyakwar Jesse nobi. En ema nowuogi mondo obed ruodh joma ok jo-Yahudi, kendo en ema joma ok jo-Yahudi nogen kuome.”

Jo-Hibrania 7:14

Ong’ere malong’o ni Ruodhwa noa e dhood Juda. To kane Musa owuoyo kuom tich jodolo ne ok omulo nying dhood Juda.

Fweny 1:1

Ma e fweny mane Nyasaye omiyo Yesu Kristo mondo onyisgo jotichne gik ma nyaka timre piyo. To Kristo nooro malaikane ir Johana jatichne mondo odhi onyise wach fwenyno,

Fweny 22:16

“An Yesu aseoro malaikana mondo ohulnu wechegi ukonygo kanyakla mag jo-Kristo. An Nyakwar Daudi, kendo an sulue mar okinyi.”

Fweny 3:21

To ng’at molocho anami bed koda e kom duong’na, mana kaka an bende ne alocho, mi abet kod Wuora e kom duong’ne.

Fweny 4:10

to jodongo piero ariyo gang’wen-go podho e nyim Jal mobet e kom duong’no, kendo gilamo Jal mantie nyaka chieng’. Gibolo osimbegi e nyim komno, ka giwacho niya,

Fweny 4:4

To e alwora mar komno ne nitie kombe mamoko piero ariyo gang’wen, ma jodongo piero ariyo gang’wen obetie. Ne girwako lewni marachere, kendo ne gisidho osimbe mag dhahabu e wigi.

Fweny 5:4

Ne aywak malit kane aneno ni onge ng’ama ne nyalo elo kitabuno kata ng’iyo iye!

Fweny 6:1

Bang’ mano ne aneno ka Nyarombo ketho kido achiel kuom kido abiriyo modin-go kitabu, mi awinjo ka achiel kuom gik mangima ang’wengo wacho gi dwol machalo mor polo niya, “Bi”

Fweny 7:13

Eka achiel kuom jodongo nopenja niya, “Joma orwako lewni maracheregi gin ng’a gini, to gia kune?”