Fweny 5:12 - MUMA MALER 2015

¹² Ne giwer matek niya, “Nyarombo mane onegi owinjore yud teko gi mwandu gi rieko gi loch kod luor gi duong’ kod pak!”

Motingʼo Loko Manyien

¹² Ne giwer gi dwol maduongʼ niya: “Duongʼ obed ni Nyarombo manonegi, mondo oyud loch gi mwandu, gi rieko gi luor, gi duongʼ kod pak.”

Fweny 5:12 ပူးပေါင်းရင်းမြစ်များ

Zekaria 13:7

Ruoth Nyasaye Manyalo Gik Moko Duto owacho niya, “In ligangla, a malo mondo ichadh jakwadha! Ee, chadh ng’at matiyona. Chutho, neg jakwath mondo rombe oke, nimar abiro kumo joga moyomno.”

Mathayo 28:18

Yesu nosudo irgi, mowachonigi niya, “Osemiya teko duto e polo kendo e piny,

Johana 1:29

Kinyne, Johana noneno Yesu kabiro ire, mowacho ni, “Neuru! Jalcha e Nyarombo Nyasaye, magolo richo mag piny!

Johana 17:2

Isemiye teko kuom ji duto, mondo en bende ochiw ngima ma nyaka chieng’ ni ji duto misemiye.

2 Jo-Korintho 8:9

Ung’eyo ng’wono mar Ruodhwa Yesu Kristo, ni kata ne en gi mwandu mogundho kamano, to nodoko jachan nikech un, mondo un ubed jomwandu kuom chan mare.

1 Timotheo 1:17

Opak Ruoth mochwere! En Ruoth ma ok tho, kendo ma ok ne. En e Nyasaye kende. Duong’ obedne ma nyaka chieng’. Amin.

Fweny 1:6

mi omiyo wadoko oganda ruodhi matiyone kaka jodolo mag Nyasache kendo Wuon mare. Duong’ kod teko obedne nyaka chieng’! Amin.

Fweny 13:8

Ji duto modak e piny lame, mak mana jogo ma nyinggi ondiki e kitap ngima mar Nyarombo mane onegi, chakre chuech piny.

Fweny 15:3

Ne giwero wend Musa jatich Nyasaye, kod wend Nyarombo, niya, “A Ruoth Nyasaye Manyalo Gik Moko Duto! Mano kaka tijeni dongo! A Ruodh ogendini, mano kaka yoreni kare kendo adier!

Fweny 19:1

Bang’ wechego nawinjo gima chalo gi koko maduong’ mar oganda mang’ongo e polo kawacho niya, “Opak Nyasaye! Warruok gi duong’ maler kod teko gin mag Nyasachwa,

Fweny 4:11

“A Ruodhwa kendo Nyasachwa! Owinjore miyi duong’ gi pak kod teko, nikech in ema nichueyo gik moko duto. Adier, in ema ne imiyo ochuegi, kendo gisiko gintie.”

Fweny 5:13

Bende ne awinjo ka gik manie polo gi manie piny kendo manie bwo piny kod manie pi, tiende ni gik moko duto mochue, kawacho niya, “Pak gi luor gi duong’ kod loch obed ni Jal mobet e kom duong’, kendo obed ni Nyarombo nyaka chieng’!”

Fweny 5:6

Eka naneno Nyarombo kochung’ e dier kom maduong’, kama ne gik mangima ang’wen kod jodongo olworo. Nyarombo ne nenore ka gima osenegi, to ne en gi tunge abiriyo, ma gin Roho abiriyo mag Nyasaye, ma oseor e piny ngima.

Fweny 5:8

Kane Nyarombo okawo kitabuno kamano, gik moko ang’wen mangima kod jodongo piero ariyo gang’wen-go, nopodho piny e nyime. Moro ka moro kuomgi ne nigi thum kod tewni mag dhahabu ma ubani opong’o. Tep ubanigo ochung’ kar lemo mag jo-Nyasaye.

Fweny 5:9

Ne giwero wer manyien niya “In ema iwinjori kawo kitabuni, mi iketh kido modinego, nikech in ema ne onegi kendo rembi ema ne ing’iewogo ni Nyasaye ji moa e dhoudi duto kendo mawacho dhok duto, kendo moa e ogendini duto kod pinje duto.

Fweny 6:1

Bang’ mano ne aneno ka Nyarombo ketho kido achiel kuom kido abiriyo modin-go kitabu, mi awinjo ka achiel kuom gik mangima ang’wengo wacho gi dwol machalo mor polo niya, “Bi”

Fweny 7:12

ka giwacho niya, “Amin! Pak gi duong’ gi rieko gi erokamano gi pwoch gi teko kod nyalo obed ni Nyasachwa nyaka chieng’! Amin!”