Fweny 5:1 - MUMA MALER 2015

¹ Bang’ mano, ne aneno kitabu ma Jal mane obet e kom duong’no oting’o e lwete ma kor achwich. Ne ondik iye gi toke bende, kendo ne odine gi kido abiriyo.

Motingʼo Loko Manyien

¹ Eka ne aneno kitabu ma jal mane obet e kom duongʼ otingʼo e lwete ma korachwich, kitabuno ne ondiki iye koni gi koni kendo ne odine gi kido abiriyo motweye.

Fweny 5:1 ပူးပေါင်းရင်းမြစ်များ

Isaya 29:11

Weche duto ma bironu e fweny, chalo gi kitabu modin gi dwogo. Kichiwo kitabuno ni ng’at mong’eyo somo, mi ikwaye ni mondo osomnigo, to obiro dwoki ni ok onyal some nikech odine.

Isaya 34:16

Somuru kitap Ruoth Nyasaye, to ubiro yudo ni onge achiel kuom gigo ma nobed maonge, kendo roho mare ema nochokgi.

Isaya 8:16

Koro atueyo kalatas mondikie wechego matek, kendo achano puonjno e chuny jopuonjrena.

Daniel 8:26

Fweny mar misengni mitimo okinyi godhiambo pile ma osenyisi tiende, en adier, to kik ihul wachno ni ng’ato, nikech pod kinde malach biro kadho kapok otimore.”

Zekaria 5:1

Ne ating’o wang’a, mi aneno kalatas moban kahuyo e kor yamo.

Fweny 10:2

Ne en gi kitabu matin moel e lwete. Tiende ma korachwich nonyono nam, to tiende ma koracham nonyono piny.

Fweny 4:3

To ng’at mane obetno ne nigi kido machal gi kite ma nengogi tek miluongo ni jasper gi sardius, kendo lihudu man gi kido machalo zumaridi nolworo komno koni gi koni.

Fweny 4:9

To e kinde ka kinde ma gik mangimago goyoe erokamano ni Jal mantie nyaka chieng’ mobet e kom duong’, kendo miye duong’ gi pak,

Fweny 5:13

Bende ne awinjo ka gik manie polo gi manie piny kendo manie bwo piny kod manie pi, tiende ni gik moko duto mochue, kawacho niya, “Pak gi luor gi duong’ kod loch obed ni Jal mobet e kom duong’, kendo obed ni Nyarombo nyaka chieng’!”

Fweny 5:7

Ne odhi mokawo kitabu ma Jal mane obet e kom duong’no oting’o e lwete ma korachwich.

Fweny 6:1

Bang’ mano ne aneno ka Nyarombo ketho kido achiel kuom kido abiriyo modin-go kitabu, mi awinjo ka achiel kuom gik mangima ang’wengo wacho gi dwol machalo mor polo niya, “Bi”

Fweny 6:16

Ne giwacho ni gode gi lwendnigo niya, “Ruombreuru kuomwa, mondo ugeng’wa kuom wang’ Jal mobet e kom duong’ kendo kuom mirima mager mar Nyarombo,

Fweny 8:1

Kane Nyarombo oketho kido marabiriyo, to polo noling’ thi kuom kinde ma dirom nus sa.