Fweny 4:8 - MUMA MALER 2015

⁸ Gik mangima ang’wen-go ne nigi bwombe auchiel moro ka moro, kendo ne gin gi wenge mang’eny e dendgi duto kendo e igi. Ne giwer odiechieng’ gotieno mak giling’ niya, “Mano kaka Ruoth Nyasaye Manyalo Gik Moko Duto ler! Oler adier! Yaye! Mano kaka oler! En e Jal mane nitie, kendo mantie, kendo mapod biro betie!”

Motingʼo Loko Manyien

⁸ Moro ka moro kuom gik mangimago ne nigi bwombe auchiel kendo ne gin gi wenge mathoth molworo dendgi nyaka e bwo bwombegi. Odiechiengʼ gi otieno duto negisiko kagiwacho niya, “ ‘Mano kaka Ruoth Nyasaye Maratego Ler! Oler adier! Yaye Mano kaka oler.’ En e Jal mane nitie, kendo Jal mantie, kendo Jal mabiro betie.”

Fweny 4:8 ပူးပေါင်းရင်းမြစ်များ

Chakruok 17:1

Kane Abram ja higni piero ochiko, Ruoth Nyasaye nofwenyorene, mowachone niya, “An Nyasaye Manyalo Gik Moko Duto. Bed ng’ama odimbore kendo maonge ketho e nyima ndalo duto,

Zaburi 91:1

Ng’at madhi ir Nyasaye Maduong’ Moloyo mondo oyud resruok kata ngat mosiko e tipo mar Ng’at Manyalo Gik Moko Duto,

Wuok 15:11

A Ruoth Nyasaye, Ere Nyasaye machal kodi? Ere ng’ama ler ka in? Ere ng’ama chal kodi, manyalo timo honni kod timbe madongo miwuoro?

Wuok 3:14

Nyasaye nowacho ni Musa niya, “AN MANTIE e nyinga.” Eka nomedo wacho niya, “Ma e gima mondo iwach ni jo-Israel: ‘AN MANTIE oseora iru.’ ”

Isaya 13:6

Gouru uwi, un jo-Babulon, nimar chieng’ ma Ruoth Nyasaye Manyalo Gik Moko Duto oseketonu koro ochopo machiegni! En odiechieng’ ma abiro keloe masira maduong’ e piny.

Isaya 62:1

In Sayun aheri, omiyo ok analing’. Adier, aheri in Jerusalem, omiyo ok nawe wuoyo, nyaka chop resi, mi resruokni rieny ka taya maliel.

Ezekiel 1:18

Tiende ang’wen-go ne nigi murudumbe madongo malich ma wenge man gi teko mar neno opong’o.

Ezekiel 1:5

Bende ne aneno gik moko mangima ang’wen e iye, machalo gi dhano,

Ezekiel 1:6

mak mana ni moro ka moro ne nigi lela wenge ang’wen kod buombe ang’wen.

Ezekiel 10:12

Dendgi gi dieng’egi gi luetegi kod buombegi, kaachiel gi tiendego, ne nigi wenge mang’eny man gi teko mar neno.

Joel 1:15

Chieng’ Ruoth Nyasaye chiegni, chieng’ ma Ng’ama Nyalo Gik Moko Duto keloe masira malich. Chieng’no nobed marach manade!

Tich Joote 20:31

Emomiyo tang’uru, kuparo ni kuom higni adek, odiechieng’ gotieno, ne ok aweyo mak asiemo ng’ato ka ng’ato kuomu ka pi wang’a chuer.

2 Jo-Korintho 6:18

Kutimo kamano to eka anabed wuonu, kendo unubed yawuota gi nyiga. An Ruoth Nyasaye Manyalo Gik Moko Duto ema awacho kamano.”

1 Jo-Thesalonika 2:9

Owetewa, parieuru kaka ne watiyo matek kwachandore. Kane walandonu Wach Maber mar Nyasaye to ne watiyo odiechieng’ gotieno ni gik mwachando, mondo kik wami ng’at moro kuomu ting’ mapek.

1 Timotheo 4:16

Tim kinda e wechego, kiritori iwuon, kendo kitimo gik mipuonjo. Kitimo kamano to iniresri iwuon, kendo nires joma winjo weche mipuonjo bende.

2 Timotheo 4:2

land Wach Nyasaye, kendo ket chunyi kuom tijno kinde duto, kata ka piny ber kata rach. Kwer weche duto ma ok ni kare. Kendo rie weche maricho, kijiwo ji kendo ipuonjo gi kinda duto.

Jo-Hibrania 13:8

Yesu Kristo ok lokre, to en achiel, nyoro, tinende, kendo nyaka chieng’.

Fweny 1:4

An Johana andiko ni kanyakla abiriyo mag jo-Kristo man e piny Asia, kawacho kama: Beduru gi ng’wono kod kue moa kuom Nyasaye mantie, kendo mane nitie, bende mapod biro biro, kendo moa kuom Roho abiriyo manie nyim kom duong’ne,

Fweny 1:8

Ruoth Nyasaye wacho niya, “An e Chakruok kendo e Giko. An e Ruoth Nyasaye Manyalo Gik Moko Duto, Jal mantie, kendo mane nitie, kendo mapod biro betie.”

Fweny 11:17

kawacho niya, “A Nyasaye Manyalo Gik Moko Duto! In Ruoth mantie kendo mane nitie! Wagoyoni erokamano nikech isekawo tekoni maduong’, kendo isechako locho.

Fweny 14:11

To iro mar mach masandogi nodum malo nyaka chieng’. Bende jogo malamo Ondiek kod gima ket kode, kata moyudo alama mar nyinge, ok noyud yueyo odiechieng’ gotieno.”

Fweny 14:3

Ne giwero wer manyien e nyim kom duong’ kendo e nyim gik mangima ang’wen kod jodongo kande. To onge ng’ama ne nyalo puonjore wendno mak mana ji alufu mia achiel gi mia ang’wen gang’wen, (144,000) ma gin kende e joma ne owar oa e piny.

Fweny 15:3

Ne giwero wend Musa jatich Nyasaye, kod wend Nyarombo, niya, “A Ruoth Nyasaye Manyalo Gik Moko Duto! Mano kaka tijeni dongo! A Ruodh ogendini, mano kaka yoreni kare kendo adier!

Fweny 15:7

Eka achiel kuom gik mangima ang’wen-go nomiyo malaika abiriyogo tewni abiriyo mag dhahabu ma opong’ gi mirimb Nyasaye mantie nyaka chieng’.

Fweny 16:14

Chunygo gin jochiende, kendo gin gi teko mar timo honni. Gidhi ir ruodhi duto mag piny ngima mondo gichokgi ni lweny manobedie Chieng’ Maduong’ mar Nyasaye Manyalo gik Moko Duto.

Fweny 16:7

Eka ne awinjo kendo-mar-misango kawacho niya, “Adier, in Ruoth Nyasaye Manyalo Gik Moko Duto, ing’ado bura madieri kendo makare!”

Fweny 19:15

To ligangla mabith wuok e dhoge kendo ochwowogo ogendini. Obiro ritogi gi ludh nyinyo, kendo obiro ng’adonigi bura gi mirimb Nyasaye Manyalo Gik Moko Duto.

Fweny 19:4

To jodongo piero ariyo gang’wen gi gik mangima ang’wen kande, nopodho piny mi olamo Nyasaye mobet e kom duong’, kawacho ni, “Ber mondo obed kamano! Opak Nyasaye!”

Fweny 21:22

Ne ok aneno Hekalu e dalano, nimar Ruoth Nyasaye Manyalo Gik Moko Duto kod Nyarombo ema obedo Hekalu mare.

Fweny 3:7

“Ndik ni malaika mar kanyakla mar jo-Kristo man Filadelfia niya, ‘Magi e weche Jal maler kendo maradier, man gi rayaw mar Daudi. Ka oyawo gimoro, to onge ng’ama nyalo loro, kendo ka oloro gimoro, to onge ng’ama nyalo yawo. Owacho niya,

Fweny 4:4

To e alwora mar komno ne nitie kombe mamoko piero ariyo gang’wen, ma jodongo piero ariyo gang’wen obetie. Ne girwako lewni marachere, kendo ne gisidho osimbe mag dhahabu e wigi.

Fweny 4:6

E nyim komno bende ne nitiere gimoro machalo gi nam mar rang’i, marieny ka pi. To e dier komno tir, kendo e alwora mare, ne nitie gik mangima ang’wen man gi wenge mogundho yoka nyimgi kendo yoka ng’egi.

Fweny 4:9

To e kinde ka kinde ma gik mangimago goyoe erokamano ni Jal mantie nyaka chieng’ mobet e kom duong’, kendo miye duong’ gi pak,

Fweny 5:6

Eka naneno Nyarombo kochung’ e dier kom maduong’, kama ne gik mangima ang’wen kod jodongo olworo. Nyarombo ne nenore ka gima osenegi, to ne en gi tunge abiriyo, ma gin Roho abiriyo mag Nyasaye, ma oseor e piny ngima.

Fweny 6:1

Bang’ mano ne aneno ka Nyarombo ketho kido achiel kuom kido abiriyo modin-go kitabu, mi awinjo ka achiel kuom gik mangima ang’wengo wacho gi dwol machalo mor polo niya, “Bi”

Fweny 6:6

Eka ne awinjo gimoro machalo gi dwol kawuok e dier gik mangima ang’wen-go kawacho niya, “Ogudu mar bel koro nengone romo pok jatich kuom odiechieng’ achiel, kendo ogute adek mag oduma bende nengone mana kamano! To nengo mor zeituni gi divai to kik imedi.”

Fweny 7:11

Eka malaika duto nochung’ koluoro kom duong’ gi jodongo kod gik mangima ang’wen-go, mi okulore piny nyaka e lowo e nyim kom duong’, mi gilamo Nyasaye,

Fweny 7:15

Mano emomiyo gin e nyim kom duong’ mar Nyasaye, ka gilame odiechieng’ gotieno e Hekalune, kendo Jal mobet e kom duong’ biro dak kodgi.