Fweny 4:7 - MUMA MALER 2015

⁷ Gima ngima mokwongo ne chalo gi sibuor, to mar ariyo ne chalo gi nyaroya. Mar adek to ne nigi lela wang’ machalo gi lela wang’ dhano, to mar ang’wen ne chalo gi ongo mahuyo.

Motingʼo Loko Manyien

⁷ Gima ngima mokwongo ne chalo gi sibuor, mar ariyo ne chalo gi nyarwath, mar adek ne lela wangʼe chalo gi mar dhano, to mar angʼwen ne chalo gi ongo mafuyo.

Fweny 4:7 ပူးပေါင်းရင်းမြစ်များ

Chakruok 49:9

Juda, in nyathi sibuor. Inego le, eka idok kari midakie. Juda, ichalo sibuor moriere kendo onindo piny, maonge ng’ama hedhore chiewo.

2 Samuel 1:23

Saulo gi Jonathan ne joma oher kendo joma beyo. Ne ok gipogore e ngimagi kata e thogi. E ng’uech, ne giyot kongo. Ne gin rateke moloyo sibuor.

Ngeche 28:2

Piny nyalo bedo mogurore kendo motegno ka nitie jotelo mariek. To ka richo nie piny, to jotelo ok ti aming’a.

Isaya 40:31

To joma ogeno kuom Ruoth Nyasaye, tekogi noduogi. Ginihu ka ongo, mana ka gima gin gi buombegi, kendo giniringi, to ok giniol, bende giniwuothi, to tekregi ok norum.

Ezekiel 1:10

Moro ka moro ne nigi lela wenge ang’wen. Lela wang; ma nyime ne chalo gi lela wang dhano, to lela wang’ ma kor achwich ne chalo gi lela wang’ sibuor. To e bathe koracham ne nitie lela wang’ machalo gi mar rwath, to yoka ng’eye ne nitie moro machalo gi mar ongo.

Ezekiel 1:8

E bwo bwomb moro ka moro ne nitie lwedo machalo lwet dhano. Gigo duto kargi ang’wen ne nigi lela wenge kod buombe machal kama:

Ezekiel 10:14

Kerubi ka kerubi ne nigi lela wang’e ang’wen. Mokwongo ne chalo gi lela wang’ rwath, to mar ariyo ne chalo gi lela wang’ dhano. Mar adek to ne chalo gi lela wang’ sibuor, kendo mar ang’wen ne chalo gi lela wang’ ongo.

Ezekiel 10:21

Kerubi ka kerubi ne nigi lela wenge ang’wen gi buombe ang’wen kod gima chalo gi lwet dhano e bwo buom ka buom.

Daniel 7:4

Ondiek mokwongo ne chalo gi sibuor, to ne en gi buom ka buomb ongo. Kane pod ang’iye, ne aneno ka buombenego opudh oko, kendo ondiegno oting’ore malo, mi ochung’ ka dhano. Eka ne omiye paro mar dhano.

Obadia 1:4

To kata bed ni ugero dalau midimidi malo ka od ongo, mi uchal mana gi joma odak e kind sulwe kamano, to abiro dwokou piny.” Ruoth Nuasaye omedo wacho niya,

Kwan 23:24

Ogandagi chalo gi sibuor ma dhako mokichore, kendo ojuol ka sibuor ma dichwo. Ok onyal nindo piny, kapok ochamo gima onego momadho rembe.”

Kwan 24:9

Uchalo gi sibuor madhako manindo piny, ma onge ng’ama hedhore chiewo. Joma guedhou mondo oyud gueth, to joma kuong’ou mondo oyud kuong’!”

1 Jo-Korintho 14:20

Owetena, kik ubed gi paro machalo paro nyithindo. Beduru ka nyithindo e weche mag richo, to nyaka ubed joma dongo gi parou.

Rapar mar Chik 28:49

“Ruoth Nyasaye biro kelo kuomu oganda moro moa kuma bor ma dhogi ok nuwinji. Ginimwomre kuomu mana kaka ongo mwomore kuom nyagweno.

Fweny 4:6

E nyim komno bende ne nitiere gimoro machalo gi nam mar rang’i, marieny ka pi. To e dier komno tir, kendo e alwora mare, ne nitie gik mangima ang’wen man gi wenge mogundho yoka nyimgi kendo yoka ng’egi.

Fweny 6:3

Kane Nyarombo oketho kido mar ariyo, ne awinjo gima ngima mar ariyo kawacho niya, “Bi!”

Fweny 6:5

Bang’ mano Nyarombo noketho kido mar adek, kendo ne awinjo gima ngima mar adek kawacho ni, “Bi!” Ne ang’icho mi aneno faras marateng’. Ng’at moidhe noting’o rapim mar ratil e lwete.

Fweny 6:7

To kane Nyarombo oketho kido mar ang’wen, ne awinjo dwond gima ngima mar ang’wen kawacho niya, “Bi!”