Fweny 4:4 - MUMA MALER 2015

⁴ To e alwora mar komno ne nitie kombe mamoko piero ariyo gang’wen, ma jodongo piero ariyo gang’wen obetie. Ne girwako lewni marachere, kendo ne gisidho osimbe mag dhahabu e wigi.

Motingʼo Loko Manyien

⁴ Kom duongʼno ne olwor gi kombe moko piero ariyo gangʼwen ma jodongo piero ariyo gangʼwen obedoe. Ne girwakore gi lewni marochere to e wigi negirwake osimbe mag dhahabu.

Fweny 4:4 ပူးပေါင်းရင်းမြစ်များ

Zaburi 21:3

Ne irwake gi gweth maduong’, kendo ne isidhone osimbo mar dhahabu maler.

Mathayo 19:28

Yesu nokonigi niya, “Adier awachonu un museluwa ni, chieng’ chuech manyien, ka Wuod Dhano obet e kom duong’ne to un bende unubed e kombe apar gariyo, kung’ado bura ni dhoudi apar gariyo mag Israel.

Luka 22:30

Unuchiem kendo unumethi koda e pinya, kendo unubed e kombe ruodhi, kung’ado bura ni dhoudi apar gariyo mag Israel.”

2 Timotheo 4:8

Koro gima okanna en mana osimbo mimiyo joma kare, ma Ruoth ma jang’ad bura makare biro miya chieng’ birone. To ok an kenda ema nomiya osimbo, to nomi koda ka ji duto morito birone gi chunygi duto.

Fweny 11:16

Eka jodongo piero ariyo gang’wen mobedo e kombegi mag duong’ e nyim Nyasaye kande, nokulore piny nyaka e lowo, mi olamo Nyasaye,

Fweny 14:3

Ne giwero wer manyien e nyim kom duong’ kendo e nyim gik mangima ang’wen kod jodongo kande. To onge ng’ama ne nyalo puonjore wendno mak mana ji alufu mia achiel gi mia ang’wen gang’wen, (144,000) ma gin kende e joma ne owar oa e piny.

Fweny 19:14

Ogend lweny mag polo ne luwo bang’e koidho farese marachere, kendo korwakore gi lewni mabeyo kendo maler.

Fweny 19:4

To jodongo piero ariyo gang’wen gi gik mangima ang’wen kande, nopodho piny mi olamo Nyasaye mobet e kom duong’, kawacho ni, “Ber mondo obed kamano! Opak Nyasaye!”

Fweny 2:10

Kik iluor sand ma ibiro yudo, nikech jachien biro bolo jomoko kuomu e jela mondo otemu, kendo ubiro yudo sandruok kuom ndalo apar. To bed jaadiera nyaka kar tho, mi anamiyi osimbo mar ngima, kaka ranyisi ni iselocho.

Fweny 20:4

Bang’ mano ne aneno kombe mag duong’, kendo joma ne obet e kombego ne omi teko mar ng’ado bura. Bende ne aneno chuny joma noseng’ad wiyegi nikech ne gihulo wach man kuom Yesu, kendo nikech ne gilando wach Nyasaye. Gin ne ok gilamo Ondiek kata gima ket kode, bende ne ok oketnigi alama mar Ondiek e lela wengegi kata e luetgi. Ne gidoko mangima, mi gilocho gi Kristo kuom higni alufu achiel. Mano e chier mokwongo.

Fweny 3:18

To ang’adoni rieko ni mondo ing’iew kuoma dhahabu mopwodhi gi mach mondo inwang’ mwandu. Lewni marachere bende ing’iew kuoma irwakrigo mondo igeng’go dugi makeloni wichkuot. Yath bende ng’iew, iwirgo wang’i mondo inen.

Fweny 4:10

to jodongo piero ariyo gang’wen-go podho e nyim Jal mobet e kom duong’no, kendo gilamo Jal mantie nyaka chieng’. Gibolo osimbegi e nyim komno, ka giwacho niya,

Fweny 4:6

E nyim komno bende ne nitiere gimoro machalo gi nam mar rang’i, marieny ka pi. To e dier komno tir, kendo e alwora mare, ne nitie gik mangima ang’wen man gi wenge mogundho yoka nyimgi kendo yoka ng’egi.

Fweny 5:11

Eka ne achako ang’icho, mi awinjo dwond malaika mang’eny molworo kom duong’ kaachiel gi gik mangima kod jodongogo. Kwan-gi ne gana gi gana, kendo tara gi tara.

Fweny 5:14

Eka gik mangima ang’wen-go nodwoko ni, “Obed kamano”, kendo jodongo nopodho piny mi olemo.

Fweny 5:6

Eka naneno Nyarombo kochung’ e dier kom maduong’, kama ne gik mangima ang’wen kod jodongo olworo. Nyarombo ne nenore ka gima osenegi, to ne en gi tunge abiriyo, ma gin Roho abiriyo mag Nyasaye, ma oseor e piny ngima.

Fweny 5:8

Kane Nyarombo okawo kitabuno kamano, gik moko ang’wen mangima kod jodongo piero ariyo gang’wen-go, nopodho piny e nyime. Moro ka moro kuomgi ne nigi thum kod tewni mag dhahabu ma ubani opong’o. Tep ubanigo ochung’ kar lemo mag jo-Nyasaye.

Fweny 6:11

Eka ne omigi law marachar ng’ato ka ng’ato, kendo ne owachnigi ni mondo gimed yueyo mondi matin nyaka chop kar romb jotich wetegi kod owetegi mane ibiro nego kaka gin, rom.

Fweny 7:11

Eka malaika duto nochung’ koluoro kom duong’ gi jodongo kod gik mangima ang’wen-go, mi okulore piny nyaka e lowo e nyim kom duong’, mi gilamo Nyasaye,

Fweny 7:9

Bang’ mano, ne ang’icho mi aneno ji mang’eny mokadho akwana moa e pinje duto gi dhoudi duto kod ogendini duto. Ne gichung’ e nyim kom duong’, kendo e nyim Nyarombo, ka girwakore gi lewni marachere, kendo giting’o othidhe e lwetgi.

Fweny 9:7

Bonyogo ne chalo gi farese moikore ni lweny. E wigi ne nitie gik machalo gi osimbo mag dhahabu. Wang’gi to ne chalo gi wang’ dhano.