Fweny 4:3 - MUMA MALER 2015

³ To ng’at mane obetno ne nigi kido machal gi kite ma nengogi tek miluongo ni jasper gi sardius, kendo lihudu man gi kido machalo zumaridi nolworo komno koni gi koni.

Motingʼo Loko Manyien

³ Ngʼat mane obetie komno ne kite nenore ka kite ma nengogi tek miluongo ni jaspa gi sardus. Kit lihudu mar koth man-gi kido machalo emerald ne olworo kom duongʼno.

Fweny 4:3 ပူးပေါင်းရင်းမြစ်များ

Wuok 24:10

Nochung’ ewi gima chalo gi laro molos gi kit ombo marieny mana ka polo.

Wuok 28:18

to laini mar ariyo ketie emerald gi safir kod diamond.

Wuok 39:11

to laini mar ariyo ne mar emarald gi safir kod diamond.

Isaya 6:1

E higa mane ruoth Uzia othoe, ne aneno Ruoth Nyasaye ka obet e kome moting’ore malo kendo moluor, ka lawe morwako opong’o Hekalu.

Ezekiel 1:26

Ewi gino ne nitie gimoro machalo gi kom duong’ molos gi kidi ma nengone tek, to gimoro machalo gi dhano nobet kuome.

Ezekiel 1:28

To lerno ne nigi kido duto machalo gi kit lihudu manie kor polo ka koth chue. Mano e kaka duong’ maler mar Ruoth Nyasaye ne chalo!

Ezekiel 10:1

Ne arango gik ma oyarore mane ni ewi gik mangima miluongo ni kerubigo, mi aneno gimoro e wiye machalo kom duong’ molos gi kidi ma nengone tek miluongo ni safir.

Ezekiel 28:13

Ne idak Eden, puoth Nyasaye, kendo ne ilichori gi gik molos gi dhahabu, kod kite mopogore opogore ma nengogi tek, kaka sardius gi topaz gi diamond gi berul gi oniks gi jasper gi safir gi emerald kod karbunkel. Ne olosnigi mana chieng’ mane ochueyie.

Fweny 10:1

Bang’e ne aneno malaika machielo maratego koa e polo. Ne orwakore gi bor polo, kendo lihudu nolworo wiye, to wang’e ne chalo gi sirni makakni ka mach.

Fweny 21:11

ka nigi duong’ maler duto mar Nyasaye. Lerne ne rieny ka kidi ma nengone tek, kaka jasper maler ahinya.