Fweny 4:1 - MUMA MALER 2015

¹ Bang’ mano, ne arango polo, mi aneno dhoot moro moyawore e polo, kendo dwol machalo gi dwond tung’ mane akwongo winjo kawuoyo koda cha, nowachona niya, “Bi malo ku, mondo anyisi gik mabiro timore bang’ magi.”

Motingʼo Loko Manyien

¹ Bangʼe ne angʼicho mi aneno dhoot moyaw e polo. To dwol machalo gi turumbete mane asewinjo mokwongo kawuoyo koda cha nowachona niya, “Bi malo ka mondo anyisi gik mabiro timore bangʼ wechegi.”

Fweny 4:1 ပူးပေါင်းရင်းမြစ်များ

Wuok 1:1

Jo-Israel ma nodhi Misri gi Jakobo, moro ka moro gi joode, e magi:

Wuok 19:24

Ruoth Nysaye nowachone niya, “Lor mondo idhi iom Harun. To jodolo kaachiel gi ji kik kadh tong’ ka giidho ira, nono to abiro mwomora kuomgi.”

Wuok 24:12

Ruoth Nyasaye nowacho ni Musa niya, “Bi ira e got ku, mondo ibed ka. Abiro miyi kite mopamore ma asendikoe buche kod chike mondo ipuonj ji.”

Ngeche 25:7

nono to ogoli kanyo mondo iwe thuolo ni ng’ama duong’ moloyi! Emomiyo ber bedo kama rachrach, eka luongi mondo idhi ibed kama oyiedhi.

Ezekiel 1:1

Due abich, due mar ang’wen e higa mar piero adek, kane adak e bath aora Kebar kaachiel gi jo-Yahudi mane oter e tuech, polo ne oyawore, mi Nyasaye ofwenyorena.

Mathayo 3:16

To kane osebatise, nowuok oa e pi mana gikanyono, kendo polo ne oyaworene, mi oneno Roho mar Nyasaye ka lor ka akuru, kabiro kuome.

Mariko 1:10

Gikanyono mane Yesu owuokie pi, ne oneno ka polo obarore, kendo noneno Roho, machalo gi akuru, ka lor kuome.

Luka 3:21

Kane ibatiso ji duto, Yesu bende ne obatisi. Eka kane oyudo olemo, polo noyawore,

Johana 16:13

To ka Roho mar adiera osebiro, to enopuonju adiera duto. Ok enowach mana wachne owuon, to enowach mana gima owinjo, kendo enonyisu tiend gik mabiro timore.

Tich Joote 10:11

mi oneno ka polo oyawore, kendo ka gimoro machal gi nanga maduong’ iloro piny gi kondene ang’wen.

Tich Joote 7:56

Nowacho niya, “Neuru! Aneno ka polo oyawore, kendo ka Wuod Dhano ochung’ e bad Nyasaye korachwich.”

Fweny 1:10

To chieng’ Ruoth, Roho ne omaka, mi awinjo dwol maduong’ maywak ka tung’ ka wuoyo gi yoka ng’eya.

Fweny 1:12

Eka nalokora mondo ane ni ng’ano maloso koda, mi aneno teyni abiriyo mag dhahabu,

Fweny 1:19

Omiyo koro ndik gik miseneno duto, ok mana gik mantie kende, to gik mabiro timore achien bende.

Fweny 11:12

Bang’ mano, jonabi ariyogo nowinjo dwol makok matek gie polo, kawachonigi niya, “Biuru malo ku!” Kuom mano ne giidho malo mana ka wasikgi nenogi

Fweny 11:19

Eka Hekalu mar Nyasaye manie polo noyawore, kendo Sandug Muma nonenore e Hekalu, mi polo omil kakakni ka mach. Dwol moko makok matek nowinjore, kendo polo nomor, bende piny noyiengni, kendo pe nochue mang’eny.

Fweny 16:17

Malaika mar abiriyo noolo tape e kor yamo, mi dwol maduong’ nowuok e kom duong’ manie Hekalu kawacho niya, “Osetimore!”

Fweny 19:11

Eka ne aneno polo ka oyawore, kendo ne aneno faras marachar ka ni kanyo, to Jal mane oidhe iluongo ni Ng’ama Igeno, kendo Jaadiera. Iluonge kamano nikech ong’ado bura kare, kendo okedo e yo makare.

Fweny 22:6

Eka malaikano nowachona niya, “Wechegi gin weche migeno kendo ma adiera, kendo Ruoth Nyasaye ma oro Roho mare ni jonabi oseoro malaikane mondo onyis jotichne gik mabiro timore piyopiyo.”