Fweny 3:3 - MUMA MALER 2015

³ Omiyo par ane gima ne opuonji, kendo mane iwinjo. Make, kendo ilok chunyi iwe richoni. To ka ok ichiew, to abiro poyi ka jakuo, ka ok ing’eyo sa ma abiroe.

Motingʼo Loko Manyien

³ Emomiyo par ane gik mane opuonji kendo mane isewinjo, makgi kendo lokri iwe richo. Ka ok ichiew to abiro biro apoya mana kaka jakuo ma ok ibi ngʼeyo sa ma anabiyee iri.

Fweny 3:3 ပူးပေါင်းရင်းမြစ်များ

Ezekiel 20:43

Bang’e unupar timbeu maricho mane udhogorugo, mi unucharu kendu nikech richo mane utimogo.

Ezekiel 36:31

Unupar timbe mamono mane utimo, mi unucharu kendu nikech richou kod timbeu makuero.

Mathayo 25:13

Eka Yesu notieko ka wachonigi niya, “Mano emomiyo un bende beduru motang’, nikech ok ung’eyo odiechieng’ kata sa ma anabie.”

Mariko 13:33

Beduru motang’, ma ok unindi, nikech ok ung’eyo chieng’ ma gigo notimree.

Mariko 13:36

To sa asaya ma obiroe to kik oyudu ka unindo.

1 Jo-Thesalonika 5:2

nikech ung’eyo maber ni Chieng’ Ruoth nobi mana kaka jakuo biro gotieno,

1 Timotheo 6:20

To in Timotheo, rit gima osemiyi mondo irit. Kik ichik iti ni weche manono ma onge tiendgi, kod mbekni ma ji goyo kuom gima giluongo ni rieko, to adier ok en rieko kata matin!

2 Timotheo 1:13

Nyaka imak puonj maradier mane amiyi, obedni ranyisi. Luw puonj ka in gi yie kod hera ma wan-go kuom Kristo Yesu.

Jo-Hibrania 2:1

Mano emomiyo nyaka waket chunywa kuom mako weche ma wasewinjo, mondo kik waba yo.

2 Petro 1:13

Aneno ni en kare mondo, kapod anie kiru mar ringruokni, to aparnu wechegi,

2 Petro 3:1

Osiepena, ma eri barua mar ariyo ma koro asendikonu. E barupenago duto asetemo mondo ami upar maber,

2 Petro 3:10

To chieng’ Ruoth nobi mana ka jakuo, kendo chieng’ onogo polo nolal nono ka riadore matek, kendo gik mae kor polo nowang’ mi rum pep. Piny bende nolal kaachiel gi gik manie iye.

Fweny 16:15

(Neuru! Abiro ka jakuo! Ng’at ma neno, kendo ma orwako lepe mondo wiye kik kuodi kowuotho duk, en jahawi!)

Fweny 2:25

To awachonu mana ni mondo umak gima un go matek nyaka abi.

Fweny 2:5

Parie kama iseaye ka ipodho! Lok chunyi mondo itim gik mane itimo mokwongo. To ka ok iloko chunyi, to anabi mi agol tachi kare.

Fweny 22:7

Yesu owacho ni, “Winji! Abiro piyo” Ng’at momako weche mokor manie kitabuni en jahawi!

Fweny 3:11

Abiro biro piyo, omiyo mak gima in-go matek, mondo kik ng’ato mayi osimboni.

Fweny 3:19

Joma ahero ema akwero kendo akumo. Emomiyo ket chunyi mondo ilokri iwe richoni.

Fweny 3:2

Kuom mano, chiew mondo ijiw gima pod in-go, kapok otho chuth, nimar ayudo ni timbeni pod ok beyo ruok e nyim Nyasacha.