Fweny 3:2 - MUMA MALER 2015

² Kuom mano, chiew mondo ijiw gima pod in-go, kapok otho chuth, nimar ayudo ni timbeni pod ok beyo ruok e nyim Nyasacha.

Motingʼo Loko Manyien

² Omiyo chiew! Mondo ijiw gima pod odongʼno kapok otho chuth, nimar timbeni ayudo korem e nyim Nyasaye.

Fweny 3:2 ပူးပေါင်းရင်းမြစ်များ

1 Ruodhi 11:4

To kane oseti, mondego noloko chunye, molamo nyiseche mamoko, kendo chunye ne ok ni kare gi Ruoth Nyasaye kaka chuny Daudi wuon mare ne ni kare.

1 Ruodhi 15:3

Abija ne timo richo duto mane wuon mare otimo. Chunye ne ok long’o ni Ruoth Nyasaye kaka chuny Daudi kwar mare ne long’o.

2 Weche mag Ndalo 25:2

Timbe Amazia ne long’o e nyim Ruoth Nyasaye, to ne ok otimgi gi chunye duto.

Ayub 16:5

Bende da ang’adonu rieko ma ategogo chunyu, kendo dikoro athoro weche mondo ahougo!

Isaya 35:3

Teguru bede mayomyom, kendo rieuru chong monyosore,

Isaya 56:10

nikech jotend Israel duto chalo gi jorito ma muofni, ma ok ne gimoro. Giduto gichalo gi guogi ma momni ma ok nyal gueyo. Gihero nindo ka giriere piny, ka gileko

Isaya 57:12

To koro abiro kwedo timni marach ma iparo ni berno!

Ezekiel 34:16

“Anamany rombe molal, mi achok mago moke, bende anachom mago motur, kendo anathiedh mago matuo, mi arit mago mangima kendo machue, nimar an e jakwath marito rombe e yo makare.

Daniel 5:27

PIM nyiso ni osepimi e ratil, mi oyud ni ok iromo.

Zekaria 11:16

kaka ranyisi ni abiro keto jakwath e piny ma ok rang rombe matho, kata ok many molal, kata ok thiedh matuo, bende ma ok kwa mago mangima, to chamo mana mago machue, kendo mwodo koda ka orengegi.

Mathayo 23:5

Gik moko duto ma gitimo, gitimo mana ni mondo ji onegi. Gitueyo gik madongo moting’o weche Muma, e pat wag’gi kendo e bedegi, kendo girwako lewni momin usi maboyo e riakgi,

Mathayo 25:13

Eka Yesu notieko ka wachonigi niya, “Mano emomiyo un bende beduru motang’, nikech ok ung’eyo odiechieng’ kata sa ma anabie.”

Mathayo 25:7

Eka nyigo duto noa malo, moloso techegi.

Tich Joote 18:23

to bang’ bedo kuno kuom ndalo moko noa, mi owuotho e gwenge duto man Galatia gi Frugia, kotego chuny jopuonjre duto.

Rapar mar Chik 3:28

Ket Joshua mondo okaw kari. Ijiwe kendo imiye teko, nimar en ema obiro telo ni jogi, koterogi loka cha mondo gikaw piny minenono.’

1 Petro 4:7

Giko mar gik moko duto chiegni. Emomiyo, beduru mariek, kuritoru mondo uikru ni lemo.

1 Petro 5:8

Beduru motang’ kurito, nikech jasiku ma Satan bayo kuonde duto ka sibuor magoyo asumbi, ka dwaro ng’ama dongam!

Fweny 16:15

(Neuru! Abiro ka jakuo! Ng’at ma neno, kendo ma orwako lepe mondo wiye kik kuodi kowuotho duk, en jahawi!)

Fweny 2:4

To kata kamano pod an gi wach kodi ni, koro ok ihera kaka ne ihera mokwongo.

Fweny 3:1

“Ndik ni malaika mar kanyakla mar jo-Kristo man Sarde niya, ‘Weche mag Jal man gi Roho abiriyo mag Nyasaye, kod sulue abiriyo e magi: “ ‘Ang’eyo timbeni duto, bende ang’eyo ni in gi nying’ ni ingima, to kata kamano isetho.

Fweny 3:3

Omiyo par ane gima ne opuonji, kendo mane iwinjo. Make, kendo ilok chunyi iwe richoni. To ka ok ichiew, to abiro poyi ka jakuo, ka ok ing’eyo sa ma abiroe.