Fweny 22:2 - MUMA MALER 2015

² Ne omol e dier yor dalano, to e bath aora koni gi koni, ne nitie yath mar ngima manyago olembe kido apar gariyo. To olembego chiek due ka due, kendo pot yadhno ema ithiedhogo ogendini.

Motingʼo Loko Manyien

² ne omol e dier yo maduongʼ mar dalano. To bath aora koni gi koni ne nitie yath mar ngima manyago olembe kido apar gariyo kendo ne onyago olembegego dwe ka dwe, bende ite yadhno ema ithiedhogo ogendini mag pinje.

Fweny 22:2 ပူးပေါင်းရင်းမြစ်များ

Chakruok 2:9

Nomiyo yien mopogore opogore odongo e puodhono, ma moko lombo wang’, kendo moko nyago olemo michamo. To yath manyago olemb ngima, kod mago manyago olemo ma nyiso ber gi rach, noketo e dier puodho.

Zaburi 147:3

bende oduogo chuny joma genogi oserumo, kendo othiedho adhondegi.

Ngeche 3:18

En ludh ngima ni jogo duto man kode, kendo joma opadore kuome gin johawi.

Isaya 6:10

To in Isaya, nyaka imi, chuny jogi dok mapek, mondo kik wach donjnigi, kendo imi itgi dinre mondo kik giwinj wach, bende imi wengegi imre mondo kik ginen, eka dipo ka gilokore, mi ochanggi.”

Jeremia 17:14

Jeremia nokwayo niya, “A Ruoth Nyasaye, changa mondo adok mangima. Resa mondo ayud kue. In ema apaki.

Ezekiel 47:1

Ng’atno nochako odwoka e dho Hekalu mi aneno pi kawuok gie bwo dhoodno, ka mol kochomo yo wuokchieng’, koma Hekalu bende ochomo. Ne omol koridore mwalo, kokadho yo nyandwat mar kendo mar misango.

Hosea 14:4

Ruoth Nyasaye wacho niya, “Abiro duogo joga ira, kendo anahergi gi chunya duto, nikech koro ok akecho kodgi.

Zekaria 14:8

Chakre chieng’no, pi maliw nomol kawuok Jerusalem. Moko nochik Nam Kado, man yo wuok chieng’ to moko nochik Nam Mediterenia, man yo podho chieng’. Enosik komol e ndalo chwiri kendo e ndalo oro mana machalre.

Malaki 4:2

To un joma oluoro nyinga tekona nopilre kuomu ka wang’chieng’ ma kelo ler, mi noresu, kendo ler mare nobed gima changou. Unubed joma ni thuolo kendo mail ka nyiroye moyawnigi abila.

Luka 4:18

“Roho mar Ruoth Nyasaye ni kuoma, nikech oseyiera mi owira, mondo aland Wach Maber ni joma odhier. Oseora mondo ahul ni joma otue ni koro ogonygi, kendo ni muofni ni oyaw wengegi, bende ni, mondo ahul ni joma isando ni giyudo thuolo

1 Petro 2:24

En owuon ne oting’o richowa e ringre e msalaba, mondo watho ni richo, eka wabed mangima ni tim makare, kendo osechangu mana nikech chwat mane ochwadego.

Fweny 2:7

“ ‘Ng’at man gi it mondo owinj gima Roho wacho ni kanyakla mag jo-Kristo. Ng’at molocho to anami ratiro mar chamo olemb yadh ngima manie puoth Nyasaye.’

Fweny 21:21

Dhorangeye apar gariyogo to ne kite apar gariyo ma nengogi tek, miluongo ni lulu, kendo dhorangach ka dhorangach nolos gi lulu achiel achiel. Yor dalano ne dhahabu lilo marieny ka rang’i.

Fweny 21:24

Ogendini mag piny nowuoth e lerne, kendo ruodhi mag piny nokel duong’gi e iye.

Fweny 22:1

Bang’ mano, malaikano nonyisa aora mar pi ngima marieny ahinya, kendo mamol kaa e kom duong, mar Nyasaye gi mar Nyarombo.

Fweny 22:14

“Joma oselwoko lepgi gin johawi, nimar ginibed gi thuolo mar chamo olemb yadh ngima, kendo mar donjo e dhorangeye mag dala.

Fweny 22:19

Bende ka ng’ato ogolo wach moro kuom weche mokor manie kitabuni, to Nyasaye nogol kuome pok ma doyudo kuom yadh ngima kendo kuom Dala Maler mondiki e kitabuni.”