Fweny 22:14 - MUMA MALER 2015

¹⁴ “Joma oselwoko lepgi gin johawi, nimar ginibed gi thuolo mar chamo olemb yadh ngima, kendo mar donjo e dhorangeye mag dala.

Motingʼo Loko Manyien

¹⁴ “Jogo gin joma ogwedhi ma oseluoko kandhogi maler, mondo omi gibed gi ratiro mar chamo olemb yath mar ngimano kendo gikadh ka gidonjo e dhorangeye mag dalano.

Fweny 22:14 ပူးပေါင်းရင်းမြစ်များ

Chakruok 2:9

Nomiyo yien mopogore opogore odongo e puodhono, ma moko lombo wang’, kendo moko nyago olemo michamo. To yath manyago olemb ngima, kod mago manyago olemo ma nyiso ber gi rach, noketo e dier puodho.

Chakruok 3:22

Eka Ruoth Nyasaye nowacho niya, “Koro dhano osedoko machal kodwa, nikech oseng’eyo ber gi rach. Kik yiene mondo ocham olemb yadh ngima, nimar dipo kobet mangima nyaka chieng’.”

Zaburi 112:1

Pakuru Ruoth Nyasaye! Ng’at moluoro Ruoth Nyasaye, kendo marito chikene gi mor, en jahawi.

Zaburi 118:20

Ma e dhoranga Ruoth Nyasaye. Joma kare kende ema donjoe.

Wuok 19:10

Ruoth Nyasaye nowacho ni Musa niya, “Dhiyo, ipwodh ji kawuono gi kiny kendo inyisgi gilwok lepgi.

Daniel 12:12

Joma osiko kuom Nyasaye nyaka ndalo alufu achiel gi mia adek gi piero adek gi abich kadhi gin johawi.

Johana 10:7

Emomiyo nowachonigi niya, “Adier, adier, awachonu ni an e dhoranga duond rombe.

Johana 10:9

An to an e dhorangach. Ng’at mokadho kuoma ema nokwo. Ng’atno nodonj kendo nowuog oko, mi nonwang’ lek maber mokwayoe.

Johana 14:15

“Ka uhera to unumak chikena.

Johana 14:6

Yesu nodwoke niya, “An e yo, kendo an e adiera. Onge ng’ama dhi ka Wuora mak okadho kuoma.

Johana 4:12

Koso iparo ni iduong’ moloyo Jakobo kwarwa, mane omiyowa sokoni, kendo omodhoe, kaachiel gi nyithinde kod jambe?”

1 Jo-Korintho 7:19

nikech koda oter ng’ato nyangu, koda ok oter, to mano chalre, to gima duong’ en mana rito chik Nyasaye.

1 Jo-Korintho 8:9

To ritreuru mondo gik mutimo kik mi joma chunygi nyap donji e richo.

1 Jo-Korintho 9:5

Koso donge wan gi ratiro mar wuotho gi mondewa ma jo-Kristo, kaka joote mamoko gi omine Ruoth kod Petro jotimo?

Jo-Galatia 5:6

nimar ka wan kuom Kristo Yesu, to bedo moter nyangu, kata bedo ma ok oter nyangu, ok kony gimoro, to gimoro achiel kende madwarore en mana yie matiyo kuom hera.

1 Johana 3:3

Ng’ato ka ng’ato man gi genoni kuom Kristo pwodhore owuon mondo obed maler, mana kaka Kristo bende ler.

1 Johana 5:3

nikech hero Nyasaye en mako chikene. Chike Nyasaye ok tek rito,

Fweny 2:7

“ ‘Ng’at man gi it mondo owinj gima Roho wacho ni kanyakla mag jo-Kristo. Ng’at molocho to anami ratiro mar chamo olemb yadh ngima manie puoth Nyasaye.’

Fweny 21:12

Ne en gi ohinga maduong’ kendo mabor man gi dhorangeye apar gariyo, ma malaika apar gariyo rito. To nying dhoudi apar gariyo mag nyithind Israel nondiki e dhorangeyego.

Fweny 21:27

To gimoro amora ma ok ler, kata ng’at matimo gik mamono, kata mariambo, ok nodonjie ngang’ to mak mana jogo ma nyinggi ondiki e kitap Nyarombo mar ngima.

Fweny 22:2

Ne omol e dier yor dalano, to e bath aora koni gi koni, ne nitie yath mar ngima manyago olembe kido apar gariyo. To olembego chiek due ka due, kendo pot yadhno ema ithiedhogo ogendini.

Fweny 22:7

Yesu owacho ni, “Winji! Abiro piyo” Ng’at momako weche mokor manie kitabuni en jahawi!

Fweny 7:14

To ne adwoke ni, “Jaduong’, in ema ing’eyo.” Eka ne owachona niya, “Magi e joma oseneno Sand Maduong’. Giselwoko lepgi e remb Nyarombo, mi gimiyo odoko marachere.