Fweny 21:5 - MUMA MALER 2015

⁵ Eka Jal mane obet e kom duong’ nowacho niya, “Neuru! Aloso gik moko duto bedo manyien!” Bende nokona ni, “Ndik wachno, nikech wechegi gin weche migeno kendo ma adiera.”

Motingʼo Loko Manyien

⁵ Jal manobedo e kom duongʼ mar loch nowacho niya, “Neuru! Aloso gik moko duto bedo manyien!” Eka nowachona kendo niya, “Ndik ma, nikech wechegi gin migeno kendo gin adiera.”

Fweny 21:5 ပူးပေါင်းရင်းမြစ်များ

Isaya 42:9

Neuru kaka gik mane akoro osetimore. To koro anyisou gik manyien ma biro timore. Adier, ahulonugi kapok gitimore.”

Isaya 43:19

Koro adwaro timo gima nyien. Neuru, asechako time. Donge unene? Abiro loso yo e piny motwo. Adier, abiro loso yore e piny motimo ongoro.

Luka 5:38

Kuom mano divai manyien nyaka ol mana e ndede manyien.

2 Jo-Korintho 5:17

Ka ng’ato obedo kuom Kristo to ochueye ng’ama nyien. Gik moko duto machon osekadho, kendo gik manyien osechopo.

Jo-Hibrania 12:27

To wach mawachoni, “Pod nyadichiel kende,” nyisowa ni ibiro golo gik mayiengni, tiende ni gik moko mosechue mondo gik ma ok yiengni ema odong’ osiki.

Fweny 1:11

Nowacho niya, “Gik moko duto mineno, ndiki e kitabu. Bang’e ior kitabuno ni kanyakla abiriyo mag jo-Kristo man: Efeso, Smurna, Pergamo, Thuatiro, Sarde, Filadelfia, kod Laodikia.”

Fweny 1:19

Omiyo koro ndik gik miseneno duto, ok mana gik mantie kende, to gik mabiro timore achien bende.

Fweny 19:9

Eka malaikano nowachona ni, “Ndik niya, ‘Joma oluongi e kisera mar Nyarombo gin johawi.’ ” Eka nomedo wachona niya, “Mano e wach mar adier mar Nyasaye.”

Fweny 20:11

Eka ne aneno kom duong’ mang’ongo marachar kod jal mobetie. Piny gi polo noringo oa e nyime mi olal nono.

Fweny 22:19

Bende ka ng’ato ogolo wach moro kuom weche mokor manie kitabuni, to Nyasaye nogol kuome pok ma doyudo kuom yadh ngima kendo kuom Dala Maler mondiki e kitabuni.”

Fweny 22:6

Eka malaikano nowachona niya, “Wechegi gin weche migeno kendo ma adiera, kendo Ruoth Nyasaye ma oro Roho mare ni jonabi oseoro malaikane mondo onyis jotichne gik mabiro timore piyopiyo.”

Fweny 4:2

Gikanyono, Roho nomaka, mi aneno kom duong’ moket e polo, ma ng’ato obetie.

Fweny 4:9

To e kinde ka kinde ma gik mangimago goyoe erokamano ni Jal mantie nyaka chieng’ mobet e kom duong’, kendo miye duong’ gi pak,

Fweny 5:1

Bang’ mano, ne aneno kitabu ma Jal mane obet e kom duong’no oting’o e lwete ma kor achwich. Ne ondik iye gi toke bende, kendo ne odine gi kido abiriyo.