Fweny 21:4 - MUMA MALER 2015

⁴ Enoywe pi wang’gi duto, kendo tho kata ywak kata nduru kata rem ok nochak obedie nikech gik machon noserumo.”

Motingʼo Loko Manyien

⁴ Enoywe pi wengegi duto. Tho kata ywak gi nduru kod rem ok nochak obedie kendo ngangʼ, nikech gik machon oserumo.”

Fweny 21:4 ပူးပေါင်းရင်းမြစ်များ

Zaburi 144:4

En mana gima nono ka yamo makudho, kendo ndalone ringo piyo ka tipo makadho.

Isaya 25:8

Enotiek tho nyaka chieng’. Bang’e enoywe pi wang’ ng’ato ka ng’ato, kendo nogol achaye man kuom joge e piny duto. Ruoth Nyasaye ema owacho kamano.

Isaya 30:19

Un jo-Sayun modak Jerusalem, ok unuchak uywagi. Ruoth Nyasaye biro ng’wononu, kendo obiro dwokou ka owinjo ywaku.

Isaya 35:10

Adier, joma Ruoth Nyasaye osereso noluw yorno, ka duogo dala. Ginidonj Sayun ka gikok gi mor kendo ka giil, to kuyo gi parruok nolal nono.

Isaya 51:11

Kamano joma Ruoth Nyasaye osewaro noduog dala. Ginidonj Sayun ka gikok gi mor, kendo ka mor mosiko opong’o chunygi. Chutho, giniwuothi ka gimor kendo ka giil. To kuyo gi parruok nolal nono.

Isaya 60:20

Wang’chieng’ ok nochak opodhi, kendo dueyi bende ok notho, nikech Ruoth Nyasaye ema nobedni ler mosiko, mi ndaloni mar ywak norum.

Isaya 61:3

Abiro hoyo chuny ji duto man gi lit, kendo gik ma abiro miyogi e magi: Maua mabeyo, kar buru ma gibukorego; kendo mor, kar lit ma gin go, kod pak, kar bedo gi chuny mool. Enoluonggi ni, yien mag tim makare, ma Ruoth Nyasaye opidho mondo oyudgo duong’.

Jeremia 31:12

Gibiro duogo, mi giwer gi ilo e got Sayun, ka gimor gi gik ma achiwonigi, kaka cham gi divai gi mo kod jamni. Ginichal gi puodho ma koth oromo, mi ok ginichak gichand gimoro kendo.

Jeremia 31:13

Bang’e nyiri nomiel kendo nobed mamor, kendo yawuowi gi joma dongo bende nobed mail. Anakue chunygi kendo nalok lit ma gin go obed mor, kendo kuyo ma gin go obed ilo.

Hosea 13:14

Uparo ni abiro reso jogi kuom tho, kata konyogi ni kik gidhi e piny joma otho? Ooyo! In tho, bi gi masicheni duto, kendo in piny joma otho, bi gi kethruokni duto, nimar ok abi kecho jogi.

Mathayo 24:35

Polo gi piny norum. Wechena to ok norum ngang’.

1 Jo-Korintho 15:26

To jasigu ma notiek mogik en tho,

1 Jo-Korintho 7:31

Bende joma konyore gi mwandu mag piny mondo obed ka joma ok konyrego, nikech pinyni kadho, kaachiel gi gige duto.

2 Jo-Korintho 5:17

Ka ng’ato obedo kuom Kristo to ochueye ng’ama nyien. Gik moko duto machon osekadho, kendo gik manyien osechopo.

2 Jo-Korintho 6:17

Emomiyo Ruoth owacho ni, “Auru kuomgi, kendo pogreuru kodgi. Kik umul gimoro mogak, mi narwaku.

Jo-Hibrania 12:27

To wach mawachoni, “Pod nyadichiel kende,” nyisowa ni ibiro golo gik mayiengni, tiende ni gik moko mosechue mondo gik ma ok yiengni ema odong’ osiki.

2 Petro 3:10

To chieng’ Ruoth nobi mana ka jakuo, kendo chieng’ onogo polo nolal nono ka riadore matek, kendo gik mae kor polo nowang’ mi rum pep. Piny bende nolal kaachiel gi gik manie iye.

1 Johana 2:17

Piny kadho kaachiel gi gombone, to ng’ama timo gima Nyasaye dwaro to osiko nyaka chieng’.

Fweny 20:13

Nam nogolo joma otho manie iye, kendo Tho gi Piny Joma Otho, bende nochiwo joma otho manie igi, kendo ng’ato ka ng’ato nong’adne bura kuom gik mane osetimo.

Fweny 20:14

Eka Tho gi Piny Joma Otho ne owit e ataro mar mach. Ataro mar machno en tho mar ariyo.

Fweny 21:1

Bang’ mano, naneno polo manyien gi piny manyien. Polo mokwongo gi piny mokwongo noserumo, kendo nam bende noselal nono.

Fweny 22:3

Gik ma Nyasaye okwedo to nolal nono. Kom duong’ mar Nyasaye gi Nyarombo ema nobedie, kendo jotichne nolame.

Fweny 7:17

nikech Nyarombo manie dier kom duong’ tir nobed jakwadhgi. Notelnigi e sokni mag pi ngima, kendo Nyasaye noywe pi wang’gi duto.”