Fweny 21:17 - MUMA MALER 2015

¹⁷ Eka nopimo ohingane, mi oyudo ni oromo bede mia achiel gi piero ang’wen, kipimo gi bat mar dhano, ma en rapim mane malaika otiyogo.

Motingʼo Loko Manyien

¹⁷ Bende ne opimo ohingane, mi oyudo ni pek mar kore oromo bede mia achiel gi piero angʼwen gangʼwen, kipimo gi bat mar dhano, ma en rapim mane malaika otiyogo.

Fweny 21:17 ပူးပေါင်းရင်းမြစ်များ

Rapar mar Chik 3:11

(Og ruodh Bashan kende ema nodong’ kuom jo-Refaim. Sandug liende, molos gi kite maratenge, pod ni Raba dala jo-Amor nyaka chil kawuono. Borne chiegni romo mita abich, to lachne mita ariyo.)

Fweny 13:18

To fwenyo tiend wachno dwaro rieko. Ng’at man gi rieko mondo okwan namba mar Ondiek, nikech nambano ochung’ kar nying dhano. Nambane en mia auchiel gi piero auchiel gauchiel.

Fweny 14:3

Ne giwero wer manyien e nyim kom duong’ kendo e nyim gik mangima ang’wen kod jodongo kande. To onge ng’ama ne nyalo puonjore wendno mak mana ji alufu mia achiel gi mia ang’wen gang’wen, (144,000) ma gin kende e joma ne owar oa e piny.

Fweny 21:16

Bor gi lach mar dalano romre koni gi koni. Malaikano nopime gi ludhno, mi oyudo ni oromo kilomita alufu ariyo. Borne gi lachne kod borne modhi malo ne romre duto.

Fweny 21:9

Eka achiel kuom malaika abiriyo mane nigi tewni moting’o masiche mogik abiriyo, nobiro ira, mowuoyo koda. Nowachona niya, “Bi mondo anyisi Miaha, ma en chi Nyarombo.”

Fweny 7:4

Bang’ mano, ne awinjo kar romb joma ne oketnigi kidono. Ne giromo ji alufu mia achiel gi piero ang’wen gang’wen, (144,000) mowuok e dhout jo-Israel duto.