Fweny 21:16 - MUMA MALER 2015

¹⁶ Bor gi lach mar dalano romre koni gi koni. Malaikano nopime gi ludhno, mi oyudo ni oromo kilomita alufu ariyo. Borne gi lachne kod borne modhi malo ne romre duto.

Motingʼo Loko Manyien

¹⁶ Dalano noger ma bethene angʼwen romre, ka borne ne rom gi lachne. Nopimo dala gi luth kendo noyudo ni borne gi lachne kod borne modhi malo ne romo kilomita alufu ariyo gi mia ariyo (2,200) maromre.

Fweny 21:16 ပူးပေါင်းရင်းမြစ်များ

Ezekiel 41:4

Eka ne opimo odno, moyudo ni borne gi lachne mita apar maromre. Bang’ mano nowachona niya, “Odni e Kama Ler Moloyo.”

Ezekiel 42:20

Ne en gi ohinga molwore, ma borne gi lachne mita mia ariyo gi piero abich maromre. Ohingano nopogo koma ler kod koma ok ler.

Ezekiel 48:35

Kamano bor ohingano duto nobed mita alufu ochiko. To nying dalano mosiko nobed, ‘Ruoth Nyasaye ni ka.’

Fweny 21:15

Malaika mane wuoyo kodano, ne nigi luth mar rapim molos gi dhahabu mopimogo dalano gi dhorangeyene kod ohingane.

Fweny 21:17

Eka nopimo ohingane, mi oyudo ni oromo bede mia achiel gi piero ang’wen, kipimo gi bat mar dhano, ma en rapim mane malaika otiyogo.