Fweny 21:15 - MUMA MALER 2015

¹⁵ Malaika mane wuoyo kodano, ne nigi luth mar rapim molos gi dhahabu mopimogo dalano gi dhorangeyene kod ohingane.

Motingʼo Loko Manyien

¹⁵ Malaikano mane owuoyo koda, ne nigi luth mar rapim molos gi dhahabu mipimogo dalano, gi dhorangeyene kod ohingane.

Fweny 21:15 ပူးပေါင်းရင်းမြစ်များ

Ezekiel 40:3

Ruoth Nyasaye ne otera machiegni gi udigo, mi apo kaneno ng’at moro marieny ka mula. Ne ochung’ e dhorangach, koting’o tol mipimogo gik moko, kod rapim mar bao e lwete.

Zekaria 2:1

Ne ating’o wang’a mi aneno ng’ato koting’o tond pimo e lwete.

Zekaria 2:2

Ne apenje kuma odhiye, mi odwoka ni odhi pimo Jerusalem, mondo one ane kaka borne gi lachne onego obedi.

Fweny 21:12

Ne en gi ohinga maduong’ kendo mabor man gi dhorangeye apar gariyo, ma malaika apar gariyo rito. To nying dhoudi apar gariyo mag nyithind Israel nondiki e dhorangeyego.

Fweny 21:16

Bor gi lach mar dalano romre koni gi koni. Malaikano nopime gi ludhno, mi oyudo ni oromo kilomita alufu ariyo. Borne gi lachne kod borne modhi malo ne romre duto.

Fweny 21:21

Dhorangeye apar gariyogo to ne kite apar gariyo ma nengogi tek, miluongo ni lulu, kendo dhorangach ka dhorangach nolos gi lulu achiel achiel. Yor dalano ne dhahabu lilo marieny ka rang’i.

Fweny 21:25

Dhorangeyene ok nolor godiechieng’, to gotieno bende nobed maonge kuno.