Fweny 21:12 - MUMA MALER 2015

¹² Ne en gi ohinga maduong’ kendo mabor man gi dhorangeye apar gariyo, ma malaika apar gariyo rito. To nying dhoudi apar gariyo mag nyithind Israel nondiki e dhorangeyego.

Motingʼo Loko Manyien

¹² Ne en gi ohinga maduongʼ kendo mabor man-gi dhorangeye apar gariyo kendo man-gi malaike apar gariyo e dhorangeyego. Bende e dhorangeyego nondikie nying ogendini apar gariyo mag Israel.

Fweny 21:12 ပူးပေါင်းရင်းမြစ်များ

2 Weche mag Ndalo 9:19

Kende sibuoche apar gariyo moko nochung’ moro ka moro e dir raidhi koni gi koni. Onge piny moro ma nolosie kom ruoth machal gi mano.

Ezra 9:9

Adier, wan joma otue, to kata kamano in Nyasachwa, ok isejwang’owa chutho miweyowa e tuechwa, to isemiyo chuny ruodhi mag Persia obedo maber kodwa, mi gimiyowa thuolo mondo walos Hekalu mari kendo wager kuonde mokethore, kibedonwa kaka ohinga molworo Juda gi Jerusalem.

Nehemia 12:27

E kinde mane orwakie ohinga mar Jerusalem, noluong jo-Lawi duto, kamoro amora mane gidakie, mi gibiro Jerusalem mondo giwer kendo gigo erokamano e nyasino, ka gigoyo ongeng’o gi nyigwerni kod thumbe mamoko.

Zaburi 122:7

Kue onego obed e ohinga mari, kendo dongruok maber bende obed e ut jodongi.”

Zaburi 51:18

Bed mang’won ni dala mar Sayun, A Nyasaye, kendo konye. Ee, chak iger ohinga mar Jerusalem.

Wuok 28:21

Kitego nyaka ndikie nying mag dhoudi apar gariyo, kaka igoro tere migoyogo sei. Kidi ka kidi mondo ondikie nying’ mag dhoudi apar gariyogo.

Isaya 54:12

Diriseni to abiro loso gi kite makwar, mi aket kite mang’ang’ni e dhorangeyeni, kendo ager ohingani gi kite ma nengogi tek.

Isaya 60:18

Timbe mahundu ok nochak owinji kendo e pinyi, kata mana tulo moro marach ok nochak omuoch machiegni kodi. To iniluong ohinga mari ni, ‘Resruok.’ Dhorangeyeni to iniluong ni, ‘Pak.’

Mathayo 18:10

“Neuru ni ok uchayo achiel kuom joma tindogi. Awachonu ni malaika manie polo moritogi neno wang’ Wuora e polo ndalo duto. [

Luka 15:10

Akonu ni, kamano bende e kaka malaika mag Nyasaye bedo mamor kuom jaricho achiel molokore.”

Luka 16:22

To mos achien, ng’at modhierno notho, mi malaika noting’e, motere e bath Ibrahim. Bang’e jamokono bende notho, mi oyiki.

Tich Joote 26:7

En singruok ma dhoudi apar gariyo duto mag ogandawa geno ni noyudi, ka gilemo odiechieng’ gotieno. To koro ruoth, en mana wach genono ema omiyo jo-Yahudi odonjona!

Jo-Hibrania 1:14

Kamano waneno ni malaika gin mana roho matiyo ni Nyasaye. Nyasaye orogi mondo gikony joma biro yudo warruok.

Fweny 21:13

Dhorangeye adek ne ni yo wuokchieng’, kendo adek yo nyandwat, to adek mamoko yo milambo, kendo adek yo podho chieng’.

Fweny 21:15

Malaika mane wuoyo kodano, ne nigi luth mar rapim molos gi dhahabu mopimogo dalano gi dhorangeyene kod ohingane.

Fweny 21:25

Dhorangeyene ok nolor godiechieng’, to gotieno bende nobed maonge kuno.

Fweny 22:14

“Joma oselwoko lepgi gin johawi, nimar ginibed gi thuolo mar chamo olemb yadh ngima, kendo mar donjo e dhorangeye mag dala.