Fweny 21:11 - MUMA MALER 2015

¹¹ ka nigi duong’ maler duto mar Nyasaye. Lerne ne rieny ka kidi ma nengone tek, kaka jasper maler ahinya.

Motingʼo Loko Manyien

¹¹ Ne orieny gi ler mar duongʼ Nyasaye, to lerne ne rieny ka kidi ma nengone tek, kaka jaspa maler ahinya.

Fweny 21:11 ပူးပေါင်းရင်းမြစ်များ

Ayub 28:17

Nengone tek moloyo fedha, kendo tek moloyo kata mana gima olos gi dhahabu, kata marieny ka glas.

Isaya 4:5

Bang’e Ruoth Nyasaye nohon rumbi mar iro godiechieng’, kod ligek mach mang’ang’ni gotieno e wi udi man e got Sayun, kod kuonde chokruok, nikech duong’ nolandore kuonde duto

Ezekiel 1:22

Ewi gik mangimago malo ne nitie gimoro malich moyarore, ma mil mana ka pe mopedhore.

Ezekiel 1:26

Ewi gino ne nitie gimoro machalo gi kom duong’ molos gi kidi ma nengone tek, to gimoro machalo gi dhano nobet kuome.

Ezekiel 28:16

Ne iketo chunyi kuom tich ohala, mi mano nomiyo idonjo e timbe mahundu kod richo. Kuom mano ne oriembi oko e goda maler, kendo kerubi mane riti ne ogoli oko kuom kite mang’ang’nigo.

Ezekiel 43:2

mi aneno duong’ maler mar Nyasach Israell kabiro koa yoo wuokchieng’. Dwond Nyasaye ne wuo ka apaka mar nam, kendo duong’ne maler nomiyo piny rieny.

Ezekiel 48:35

Kamano bor ohingano duto nobed mita alufu ochiko. To nying dalano mosiko nobed, ‘Ruoth Nyasaye ni ka.’

Fweny 15:8

To iro moa kuom duong’ maler mar Nyasaye gi tekone nopong’o Hekalu, omiyo onge ng’ama ne nyalo donjo e Hekalu ka masiche abiriyo mag malaika abiriyogo pok orumo.

Fweny 22:1

Bang’ mano, malaikano nonyisa aora mar pi ngima marieny ahinya, kendo mamol kaa e kom duong, mar Nyasaye gi mar Nyarombo.

Fweny 22:5

Otieno ok nochak obedie, kendo ok ginidwar ler mar taya kata mar chieng’, nikech Ruoth Nyasaye nomigi ler, kendo ginibed gi loch nyaka chieng’.

Fweny 4:3

To ng’at mane obetno ne nigi kido machal gi kite ma nengogi tek miluongo ni jasper gi sardius, kendo lihudu man gi kido machalo zumaridi nolworo komno koni gi koni.

Fweny 4:6

E nyim komno bende ne nitiere gimoro machalo gi nam mar rang’i, marieny ka pi. To e dier komno tir, kendo e alwora mare, ne nitie gik mangima ang’wen man gi wenge mogundho yoka nyimgi kendo yoka ng’egi.