Fweny 20:9 - MUMA MALER 2015

⁹ Ne gikwako piny te, mi gilworo kambi mar jo-Nyasaye kod dala ma Nyasaye ohero. To mach ne oa e polo motiekogi,

Motingʼo Loko Manyien

⁹ Ne giwuotho mi gikwako piny duto, kendo negilworo kambi mar jo-Nyasaye, dala maduongʼ ma Nyasaye ohero. To mach ne oa e polo mobiro e piny kendo nowangʼogi motiekogi.

Fweny 20:9 ပူးပေါင်းရင်းမြစ်များ

Chakruok 19:24

Eka Ruoth Nyasaye nooro mach gi kite maliel mowang’o Sodom gi Gomora.

2 Ruodhi 6:15

Ka ne ng’at Nyasaye ochiew gokinyi, nowuok oko, moneno oganda lweny man gi farese kod geche kolworo dala. Jatichne nowach niya, “Ruodha, wadiwo! Ti wanatim ang’o?”

Ayub 38:18

Bende ing’eyo kaka duong’ mar piny romo? Dwoka ane, ka ing’eyo gigo duto!

Zaburi 106:18

Mach ne omwoch kuom joma ne luwogi, mi owang’o joma richogo pep.

Zaburi 87:2

Ohero dala Jerusalem moloyo miech nyikwa Jakobo mamoko duto.

Zaburi 97:3

Mach otelo e nyime, kendo wang’o wasike koni gi koni.

Isaya 30:33

To mach miwang’oe ringre joma otho ne oseik chon mondo owang’ie Molok, nyasach Asuria. Kendono duong’ ahinya, kendo odhurie yien mogundho. Much Ruoth Nyasaye ma chalo gi mach maliel ema biro moke.

Isaya 37:36

Malaika mar Ruoth Nyasaye nodhi monego jo-Asuria alufu mia achiel gi piero aboro gabich (185,000) e kambigi, kendo kane ji ochiew gokinyi, to ringre joma otho ema ne ginwang’o kopie piny.

Ezekiel 38:16

Ununur kuom joga Israel, mana ka rumbi maumo piny. Ka kindeno ochopo, anaori mondo imonj pinya, to gima natimni nonyis ogendini ni an Ng’ama Ler, mi ging’eya, yaye Gog!

Ezekiel 38:22

Anakume gi tuoche kod nek. Bende anahon koth mang’ongo gi pe madongo gi mach kod kite maliel kuome, kendo kuom joge mag lweny kod ogendini mathoth man kode.

Ezekiel 38:9

In gi jogi mag lweny, kod ogendini mang’eny man kodi, numonj pinyno mana ka yamb ahiti, kendo unuume mana ka rumbi.”

Ezekiel 39:6

“Abiro moko mach e piny Magog kod dhonembe duto ma ji odakie gi kue, mi ng’ato nong’e ni an e Ruoth Nyasaye.

Mika 2:13

Jal ma noyawnigi rangach ema nogolgi oko. Ginipusre e dhorangach, mi gitony. Ruodhgi, ma en Ruoth Nyasaye owuon, ema notelnigi ka giwuok.”

Habakuk 1:6

Abiro kelo jo-Babulon, ma oganda mager kendo ma jomrima! Giwuotho e piny ngima ka gimayo jomoko nono miechgi.

Kwan 11:1

E kinde moro jo-Israel noywak ni Ruoth Nyasaye kuom thagruokgi. Ruoth Nyasaye ne okecho kowinjo wechegigo, mi mach moa kuome nomuoch kuomgi, kendo oketho bath kambi konchiel.

Kwan 16:35

Ruoth Nyasaye nooro mach mowang’o ji mia ariyo gi piero abich mane oyudo wang’o ubani kande.

Luka 17:29

To chieng’ mane Lut owuokie Sodom, mach kod kite maliel nolwar koa e polo, mi otieko gi pep.

Luka 19:43

Ndalo nobi ma wasiki notimnie ageng’a koni gi koni kakunyoni bur alwora.

Luka 21:20

“Ka uneno ka ogend lweny olworo Jerusalem, to ng’euru ni kinde mikethee osechopo!

Luka 9:54

To kane jopuonjre Yesu ma Jakobo kod Johana oneno kamano, ne gipenjo Yesu niya, “Ruoth, idwaro mondo waluong mach oa e polo, obi otiekgi koso?”

Rapar mar Chik 23:14

Nyaka utim kamano nikech Ruoth Nyasaye ma Nyasachu wuotho kuonde duto e kambiu, mondo oritu kendo omiu loyo wasiku. Emomiyo kambiu nyaka bed maler, mondo kik Ruoth Nyasaye nwang’ie gimoro marach ma dimi oweu.

2 Jo-Thesalonika 1:8

e mach maliel mondo ochul kuor ni joma ok oyie Nyasaye, kendo ni joma odagi winjo Wach Maber man kuom Ruodhwa Yesu.

Jo-Hibrania 13:13

Omiyo koro wawuoguru wadhi ire oko mar kambi, kwating’o achaye mane en bende oting’o,

Fweny 11:5

Ka wasikgi dwaro hinyogi, to mach wuok e dhogi kendo tiekogi. Mano e tho ma ng’ato ang’ata madwaro hinyogi nyaka thogo.

Fweny 13:13

Ondiek mar ariyono notimo honni madongo ma kata mana mach omiyo lor e polo, biro e piny mana ka ji duto neno.