Fweny 20:8 - MUMA MALER 2015

⁸ kendo nowuog oko mondo odhi owuond Gog gi Magog, tiende ni ogendini manie tunge piny duto koni gi koni, mi ochokgi ni lweny. To kar rombgi chalo gi kwoyo mae dhonam.

Motingʼo Loko Manyien

⁸ kendo nowuog oko mondo owuond ogendini duto mag tunge angʼwen mag piny, ma gin Gog gi Magog, kendo nochokgi kaachiel mondo gidhi e lweny. To kar kwan-gi romre gi kwoyo manie dho nam.

Fweny 20:8 ပူးပေါင်းရင်းမြစ်များ

1 Ruodhi 4:20

Jo-Juda gi jo-Israel ne ng’eny ka kuoyo mae dhonam; ne gidak gi kue, kendo gi mor.

2 Weche mag Ndalo 18:21

Nodwoke ni, ‘Abiro dhi bet roho mar miriambo e dho jonabine duto.’ Ruoth Nyasaye noyiene ni, ‘Ee, in ema ibiro hoye. Dhiyo itim kamano.’

Isaya 10:22

Un jo-Israel, kata obedo ni ung’eny ka kuoyo mae dhonam, to ji manok modong’ kuomu kende ema nochak oduogi, nimar Nyasaye oseketo bura makare mabiro tieko joge duto.

Jeremia 33:22

Abiro miyo nyikwa Daudi jatichna kod jodolo ma jo-Lawi ma tiyona nya, mondo gibed mang’eny ma ok nyal kwan, mana ka sulue manie polo kata ka kuoyo mae dhonam.”

Ezekiel 38:1

Ruoth Nyasaye nowuoyo koda mowachona niya,

Ezekiel 38:2

“Wuod dhano, chung’ kichomo Gog, modak e piny Magog. En ruoth maduong’ mar ogendini mag Meshek kod Tubal. Kwede,

Ezekiel 39:1

Ruoth Nyasaye nowachona niya, “Wuod dhano, kwed Gog, ruoth maduong’ mar ogendini mag Meshek kod Tubal, kinyise ni an Ruoth Nyasaye awacho kama: Gog, an jasiki.

Ezekiel 39:6

“Abiro moko mach e piny Magog kod dhonembe duto ma ji odakie gi kue, mi ng’ato nong’e ni an e Ruoth Nyasaye.

Ezekiel 7:2

“Wuod dhano, ma e gima an Ruoth Nyasaye awacho ni piny Israel: Giko mar pinyu ochopo!

Jo-Hibrania 11:12

Kuom mano Ibrahim, mane chalo gi ng’ama osetho, noyudo nyikwayo mang’eny ka sulue manie polo, kendo mathoth ka kuoyo manie dhonam ma ok nyal kwan.

Fweny 12:9

Thuol maduong’no ne owit mwalo e piny kaachiel gi malaikane duto. En e thuol mang’ongo machon miluongo ni Jachien kata Satan, mane owuondo piny ngima.

Fweny 16:14

Chunygo gin jochiende, kendo gin gi teko mar timo honni. Gidhi ir ruodhi duto mag piny ngima mondo gichokgi ni lweny manobedie Chieng’ Maduong’ mar Nyasaye Manyalo gik Moko Duto.

Fweny 20:10

kendo Satan mane owuondogi ne owit e ataro mar ligek mach, kama Ondiek kod Janabi mar Miriambo bende nitie. Kuno ginisandre odiechieng’ gotieno nyaka chieng’.

Fweny 20:3

Ne obole e Bur Matut Maonge Gikone, mi oloro dho bur kendo otueyo, mondo kik ochak owuond ogendini nyaka higni alufu achielgo rum. To bang’e nogonye kuom kinde matin.

Fweny 7:1

Bang’ wechego ne aneno malaika ang’wen kochung’ e tunge ang’wen mag piny. Ne gimako yembe ang’wen mag piny, mondo yamo kik kudhi e piny, kata e nam, kaka kuom yath moro.

Jong’ad Bura 7:12

Jo-Midian gi jo-Amalek kod jo yo wuokchieng’ duto mane nindo e holo ne ng’eny ka bonyo, kendo ngamia mane gin go nokadho akwana mana ka kuoyo manie dho nam.

1 Samuel 13:5

Jo-Filistia nochokore mondo oked gi jo-Israel. Ne gin gi geche alufu piero adek, gi joidh farese alufu auchiel, kod ji mathoth ka kuoyo mae dhonam. Ne gidhi Mishmash, mi gijot kuno, yo wuokchieng’ mar Bethaven.