Fweny 20:5 - MUMA MALER 2015

⁵ (Joma otho modong’ to ne ok odoko mangima kendo, nyaka higni alufu achiel orumo.)

Motingʼo Loko Manyien

⁵ Ma e chier mokwongo. To joma otho mane odongʼ mane ok ochier e chierni, ne ok odoko mangima nyaka higni alufu achielgo norumo.

Fweny 20:5 ပူးပေါင်းရင်းမြစ်များ

Luka 14:14

eka inibed ng’ama oguedhi, nikech gin gionge gima digichulgo. To Nyasaye nochuli chieng’ ma joma kare ochierie.”

Jo-Rumi 11:15

Kane Nyasaye owitogi, to mano e yo mane okelogo winjruok e kinde kod ji. To ka mano en adier, to donge ung’eyo ni korwakogi kendo, to mano nobed mana ka chier a kuom joma otho?

Jo-Filipi 3:11

ka ageno ni, kanyalore, to an bende nochiera kuom joma otho.

1 Jo-Thesalonika 4:16

Chieng’no dwol moro nogol chik, kendo dwond malaika maduong’ nowinji, kendo tung’ mar Nyasaye noywagi, kendo Ruoth owuon nolor koa e polo. Eka joma notho koyie kuom Kristo nochier mokwongo.

Fweny 11:11

To bang’ ndalo adek gi nusgo muya mar ngima moa kuom Nyasaye nodonjo kuomgi, mi gichung’ gi tiendegi. Kibaji maduong’ nomako joma ne onenogi!

Fweny 11:15

Eka malaika mar abiriyo nogoyo tung’ne, kendo dwol moko nokok matek e polo kawacho niya, “Loch mar pinyni koro osedoko mar Ruodhwa kod Mesia mare, kendo obiro locho nyaka chieng’.”