Fweny 2:27 - MUMA MALER 2015

²⁷ Ng’at molochono norit ogendini gi ludh nyinyo,

Motingʼo Loko Manyien

²⁷ ‘Ngʼat molochono norit ogendini gi ludh nyinyo, kendo notogi matindo tindo ka ngʼama toyo agulu,’ mana kaka Wuora osemiya teko mar loch.

Fweny 2:27 ပူးပေါင်းရင်းမြစ်များ

Zaburi 49:14

Gimwomore e tho ka rombe, kendo tho nogono ema biro bedo jakwadhgi. Joma kare nogonigi siboi gokinyi, ka ringregi top e Piny Joma Otho, kuma bor gi pinygi.

Isaya 30:14

mi ng’inyre matindotindo mana ka agulu motore, ma ok nyal yud take mikwanyogo mach, kata pate mitwomogo pi.”

Jeremia 19:11

kendo awachnigi ni Ruoth Nyasaye Manyalo Gik Moko Duto nosewacho kama: “Abiro toyo jogi gi dalani mana kaka itoyo agulu ma ok nyal chak chom. Joma otho noyik kata mana e Tofeth, nikech ok noyud kamoro nono ma diyikgie.

Daniel 7:18

To jo-Nyasaye Maduong’ Moloyo biro yudo loch mar rito piny, kendo ginisik gi lojno nyaka chieng’.”

Daniel 7:22

nyaka ne ng’at ma nyaka nene obiro mong’ado bura ka chwako jo-Nyasaye Maduong’ Moloyo. Kinde koro ne osechopo ma jo-Nyasaye yudoe loch mar rito piny.

Mathayo 11:27

“Wuora oseketo gik moko duto e lweta. To onge ng’ama ong’eyo Wuoro to mak mana Wuowi, kod joma Wuowi omiyo ong’eye.

Luka 22:29

kendo kaka Wuora osechano mondo omiya teko mar loch, e kaka un bende asechano mondo uyud loch.

Johana 17:24

“Wuora, adwaro mondo joma isemiyagi obed koda kama intie, mondo gine duong’ ma isemiya, nikech nihera kapok ochwe piny.

Fweny 12:5

Dhakono nonywolo nyathi ma wuowi, mabiro rito ogendini gi ludh nyinyo. To nyathineno ne oyudhi moter malo ir Nyasaye e kom duong’ mar Nyasaye.

Fweny 19:15

To ligangla mabith wuok e dhoge kendo ochwowogo ogendini. Obiro ritogi gi ludh nyinyo, kendo obiro ng’adonigi bura gi mirimb Nyasaye Manyalo Gik Moko Duto.