Fweny 2:14 - MUMA MALER 2015

¹⁴ To kata kamano, an kodi gi weche moko, nikech in gi ji moko kanyo maluwo puonj mar Baalam, mane opuonjo Balak kaka onyalo miyo jo-Israel tim richo kuom chamo chiemo mosetimgo ni nyiseche manono misango, kendo kuom terruok.

Motingʼo Loko Manyien

¹⁴ To kata kamano an kod weche matin kuomi: In kod jomoko kanyo maluwo puonj mar Balaam mane opuonjo Balak kaka onyalo ywayo jo-Israel mondo otim richo ka gichamo chiemo motimgo misango ni nyiseche manono kendo kuom richo mar chode.

Fweny 2:14 ပူးပေါင်းရင်းမြစ်များ

Isaya 57:14

Bang’e unuwinj dwol ka wacho niya, “Buguru ndara. Bugeuru, kendo loseuru maber, kugolo gik moko duto ma dichwany joga.”

Jeremia 6:21

Kuom mano, Ruoth Nyasaye owacho kama: “Anami jogi chwanyre, mi podhi. Wuone gi yawuowi biro tho, kaachiel gi osiepegi kod joma odak machiegni kodgi.”

Ezekiel 3:20

“Ka ng’at makare odonjo e richo, mi akelone masira, to enotho. Adier, enotho nikech richone, nimar ok isesieme. Ok napar timbene makare mosebedo kotimo, to in ema nakwani ka ng’ama onege.

Ezekiel 44:12

To kaka ne gitiyo ni jo-Israel e tij lemo kuonde milamoe nyiseche manono, mi gimiyo jo-Israel odonjo e richo, omiyo an Ruoth Nyasaye akuong’ora ni nyaka kumgi.

Kwan 24:14

Koro adok ir jowa, to kapok adhi, to nyaka anyisi gima jo-Israel biro timo ni jogi e ndalo mabiro.”

Kwan 31:16

Donge ung’eyo ni kane Balaam osea gweng’ Peor, to mon-go ema nobet kawuondo jo-Israel mondo owe Ruoth Nyasaye, mi mano nomiyo tho ogoyo oganda Ruoth Nyasaye?

Kwan 31:8

To bende ne ginego Evi gi Rekem gi Zur gi Hur kod Reba, mane ruodhi abich mag Midian, kaachiel gi Balaam wuod Beor.

Mathayo 18:7

Gik mamiyo ji donjo e richo nomi ji modak e piny ne malit. Gik ma kamago ok nyal bare mak obetie, to mano kaka nobed malit ni ng’at makelogi!

Tich Joote 15:29

To chikego e magi: Kik ucham chiemo mosetimgo misango ni nyiseche manono, kendo kik ucham remo kata gima ode, bende kik uterru. Kuritoru kuom gigo duto, to unudhi nyime maber. Oritu.”

Tich Joote 21:25

To kuom wach joma ok jo-Yahudi, wasendikonigi barua ma wanyisogigo ni waseneno ni mondo kik gicham chiemo ma otimgo misango ni nyiseche manono, kata kik gicham remo kata gimoro mode. Bende kik giterre.”

Jo-Rumi 11:9

Daudi bende nowacho niya, “Sewni maggi mondo obed obadho kod amoso, kamiyo gipodho kendo ikumogi.

Jo-Rumi 14:13

Kuom mano mondo waweuru ng’ado ni jowadwa bura. To keturu chunyu mondo une ni ok utimo gimoro manyalo miyo owadu podhi, kata ma dimi otim richo.

Jo-Rumi 14:21

Ber mondo iwe chamo ring’o kata madho kong’o kata timo gimoro amora manyalo miyo owadu podhi.

Jo-Rumi 9:32

To ang’o ma omiyo ne ok ginyal yude? Ne ok ginyal yude nikech ne ok gitemo mondo gibed e winjruok gi Nyasaye kuom yie, to mana kuom gik ma gitimo. Ne gichwanyore e kidi machwanyo ji.

1 Jo-Korintho 1:23

Wan to walando wach Kristo mane ogur e msalaba. En wach ma chwanyo chuny jo-Yahudi, to joma ok jo-Yahudi to kwane ka wach mofuwo.

1 Jo-Korintho 7:2

To adwokou kama: Kaka tem mar terruok ng’eny ahinya, ber mondo ng’ato obed gi chiege owuon, kendo dhako bende obed gi chwore owuon.

Jo-Hibrania 13:4

Ji duto mondo okwan kend ka gima duong’, kendo singruok ma joma okendore osingorego nyaka rit matek, nikech Nyasaye nokum joma terore, bed ni gin yawuowi gi nyiri, kata chwo gi mon.

Joshua 24:9

Balak wuod Zipor ma ruodh Moab bende nokedo kodu. Nooro Balaam wuod Beor mondo obi okuong’u,

1 Petro 2:8

Muma kama chielo to wacho ni, “En e kidi mabiro chwanyo ji; Lwanda ma nomi gipodhi.” Gichwanyore nikech gidagi winjo Wach Maber. Mano e gima ne Nyasaye owalonigi.

2 Petro 2:15

Giseweyo yo ma oriere tir, mi gilal, nimar giseluwo mana yor Balaam wuod Boer, mane oketo chunye kuom yudo pok mar tim maricho.

Juda 1:11

Mano kaka ginine malit! Gise mana luwo yo mane Kain oluwo, kendo gisemwomore e ketho mar Baalam nikech gihero pesa, bende giseng’anyo kaka Korah nong’anyo, mi girumo mana kaka en bende norumo.

Fweny 2:20

To kata kamano an kodi gi wach moro nikech iyie gi dhako ma Jezebel maluongore ni janabi. En ema omiyo jotichna lal kuom puonjogi mondo giterre, kendo mondo gicham chiemo motimgo misango ni nyiseche manono.

Fweny 2:4

To kata kamano pod an gi wach kodi ni, koro ok ihera kaka ne ihera mokwongo.

Fweny 21:8

To ngoche, gi joma ok oyie, kod jomriambo duto, kargi nobed mana ataro maliel gi ligek mach, ma en tho mar ariyo!”

Fweny 22:15

To guogi gi jojuogi, gi joma terore, gi jonek, gi joma lamo nyiseche manono, kod ji duto ma ohero miriambo kendo matimo gik ma ok adiera, nobed oko.