Fweny 19:8 - MUMA MALER 2015

⁸ kendo Nyasaye oseyiene mondo orwakre gi nanga maber mapichni kendo maler.” (Nanga maberno ochung’ kar tim makare mar jo-Nyasaye)

Motingʼo Loko Manyien

⁸ Osemiye law mayom, mapichni kendo maler, mondo orwaki.” Law maberno ochungʼ kar timbe makare mag jomaler.

Fweny 19:8 ပူးပေါင်းရင်းမြစ်များ

Zaburi 132:9

Onego jodolo bed joma kare, kendo jogi duto onego ogo mahu gi mor.

Ngeche 31:22

Ochueyo lewni mipedho e kitendni.

Isaya 3:23

gi kio matindo, gi nengni mabeyo, gi kilembni, kod lewni miumogo wang’.

Isaya 61:10

Wabeduru mamor kuom Ruoth Nyasaye gi tekowa duto. Adier wabed moil kuom Nyasachwa, nimar oserwakowa gi warruok mana ka ng’ama orwako nanga, bende oboyowa gi tim makare ma ka ng’ama obo gi law, kendo mana ka wuon kisera magawo maua e ng’ute, kata ka miaha morwako thiwni mabeyo.

Ezekiel 16:10

Ne arwaki gi lewni mogorie gik mabeyo, mi amiyi wuoche ma nengogi tek, kaachiel gi kitamba wich maber, kod law arwaka mar las.

Ezekiel 44:17

Ka gidonjo e dhorangach madhi e laru ma iye mar Hekalu, to nyaka girwakre gi lewni mabeyo mayom. Ok ginyal rwako law moro amora molos gi yie rombo e sa ma ginie tich e laru maiye, kata e Hekalu.

Mathayo 17:2

Eka kite nolokore mana e nyimgi ka gineno, mi wang’e orieny ka wang’chieng’, kendo lepe odoko matar ka pe.

Mathayo 22:12

mi owachone ni, ‘Omera, ere kaka idonjo ka, to ionge gi law kisera?’ To dho ng’atno nomoko.

Mariko 9:3

Lepe ne rieny matar mokadho, ma onge jaluoko e piny ngima ma diluok lewni mi rieny maler kamano.

Luka 24:4

Kane pod gichung’ kanyo, ka gihum nono kuom wachno, ne gipo ka ji ariyo morwako lewni mang’ang’ni ochung’ butgi.

Tich Joote 1:10

To kane pod gichomo wang’gi e polo, ka girango kaka odhi, ne gipo ka ji ariyo morwako lewni marachere ochung’ butgi.

Jo-Rumi 13:14

To rwakreuru gi Yesu Kristo kaka okumbau, kendo weuru keto chunyu kuom paro gik ma ringruok gombo.

Jo-Rumi 3:22

En e yo ma Nyasaye miyogo dhano bet e winjruok kode nikech yie ma oyiego kuom Yesu Kristo. Yorno ni thuolo ni ji duto moyie, nikech onge gima gipogorego.

Fweny 15:4

A Ruoth, en ng’ano ma ok nyal luori, kata ma ok nyal miyo nyingi duong’? In kendi ema iler! Ogendini duto nobi, mi kulre e nyimi, nikech timbeni makare osenenore ratiro.”

Fweny 15:6

Malaika abiriyo man gi masiche abiriyogo nowuok e Hekalu. Ne girwakore gi lewni maler kendo marieny, kendo ne gitueyo okanda mag dhahabu e korgi.

Fweny 19:14

Ogend lweny mag polo ne luwo bang’e koidho farese marachere, kendo korwakore gi lewni mabeyo kendo maler.

Fweny 3:18

To ang’adoni rieko ni mondo ing’iew kuoma dhahabu mopwodhi gi mach mondo inwang’ mwandu. Lewni marachere bende ing’iew kuoma irwakrigo mondo igeng’go dugi makeloni wichkuot. Yath bende ng’iew, iwirgo wang’i mondo inen.