Fweny 19:7 - MUMA MALER 2015

⁷ Wabeduru mamor ahinya, kendo wamiyeuru duong’ nikech kinde mar kend mar Nyarombo osechopo. Chiege oseikore,

Motingʼo Loko Manyien

⁷ Wabeduru moil kendo mamor ahinya kendo wamiyeuru duongʼ! Nikech kinde kisera mar Nyarombo osechopo, kendo chiege oseikne.

Fweny 19:7 ပူးပေါင်းရင်းမြစ်များ

Zaburi 107:42

Joma kare neno kamano, kendo gibedo mamor, to joricho duto dhogi moko.

Zaburi 48:11

omiyo jo-Sayun bedo mamor. Ing’ado bura kare, omiyo ilo opong’o mier mag Juda.

Zaburi 9:14

mondo achung’ e nyim jo-Jerusalem, ka anyisogi gik moko duto momiyo apaki. Abiro bedo mail nikech iseresa.

Ngeche 29:2

Ka joma kare nigi loch, to ji duto mor, to ka joricho e jotelo to ji ng’ur ang’ura.

Wer Mamit 3:11

“Un nyi Sayun, biuru mondo une ruoth Solomon! Orwako osimbo mane min mare osidhone chieng’ mane okendoe monenoe mor maduong’.”

Isaya 52:1

A malo! A malo, mondo ibed motegno, in dala Sayun. Rwak lepi mabeyoe moloyo, yaye Jerusalem, dala maler, nimar chakre kawuono, joma ok oter nyangu, kaachiel gi joma ogak, ok nochak odonj kuomi.

Isaya 62:5

Kaka wuowi kendo nyako, e kaka Jal mane ogeri biro kendi. Adier, kaka ng’at mokendo, mor gi chiege, e kaka Nyasachi nobed mamor kodi.

Isaya 66:10

Un duto muhero Jerusalem, moruru kode. Adier, beduru gi ilo nikech en. Un duto ma yande uywage, koro beduru mamor kode gi ilo.

Isaya 66:14

Ubiro neno kamano, mi chunyu bed mamor. Dendu nobed maber, mana ka lumb chwiri. An Ruoth Nyasaye ema nami jotichna ong’e tekona; Wasika to nanyis mirimba.”

Zekaria 9:9

Un jo-Sayun, beduru mamor! Koguru matek, yaye jo-Jerusalem, nimar ruodhu biro iru, kolocho. Obiro komuol, kendo koidho kanyna. Chutho oidho kanyna matin. Adier, en mana nyathi kanyna.

Mathayo 1:20

To kane oyudo pod oparo wach, malaika mar Nyasaye nofwenyorene e lek, mowachone niya, “Josef nyakwar Daudi, kik iluor kawo Maria obed chegi, nikech ich ma en gono oyudo kuom teko mar Roho Maler.

Mathayo 22:2

“Loch Polo chalo gi ruoth mane oloso nyasi mar kisech wuode.

Luka 12:36

Beduru ka jotich marito ruodhgi modhi e nyasi kisera, mondo koduogo mi odwong’o, to giyawne piyopiyo.

Johana 3:29

Ng’at man gi miaha e wuon kisera, to osiep wuon kisera mochung’ kanyo bedo mamor kowinjo dwond wuon kisera. Mor ma kamano ema an bende an-go, kendo koro oroma chuth.

2 Jo-Korintho 11:2

An gi nyiego kuomu, to en mana nyiek Nyasaye. Ne amiyo umako osiep gi Kristo, kendo ne adwaro terou ire kaka ng’ato tero nyako ngili ir chwore.

Jo-Efeso 5:23

nikech dichwo e wi dhako, mana kaka Kristo e wi kanyakla mar joma oyie kuome, ma en ringre, kendo en jawar mare.

Jo-Efeso 5:32

Nitie adiera maduong’ mopondo e wachni, to aneno ni owuoyo kuom Kristo gi kanyakla mar joma oyie.

Rapar mar Chik 32:43

“Un polo, moruru kaachiel gi Ruoth Nyasaye. Un nyiseche duto, kulreneuru. Moruru un ogendini kaachiel gi joge, kendo malaika duto mag Nyasaye mondo opak tekone, nikech enochul kuor kuom remb jotichne, kokumo wasike kod joma ochaye. Enopwodh piny kaachiel gi joge.”

Jo-Filipi 3:3

To wan ma Roho Maler ema otelonwa kuom lamo Nyasaye, wan e joma oter nyangu adier, kendo sungawa ni kuom Kristo Yesu. To ok waketo genowa kuom tim ringruok.

Fweny 11:13

Gikanyono, piny noyiengni matek, mi bath dalano moromo achiel kuom apar nomukore, kendo ji alufu abiriyo notho. To joma odong’ nobwok malich, kendo nomiyo Nyasaye duong’!

Fweny 19:9

Eka malaikano nowachona ni, “Ndik niya, ‘Joma oluongi e kisera mar Nyarombo gin johawi.’ ” Eka nomedo wachona niya, “Mano e wach mar adier mar Nyasaye.”

Fweny 21:2

Eka ne aneno Dala Maler, ma en Jerusalem manyien, kalor piny a e polo kuom Nyasaye, koikore ka miaha moikore ni chwore.

Fweny 21:9

Eka achiel kuom malaika abiriyo mane nigi tewni moting’o masiche mogik abiriyo, nobiro ira, mowuoyo koda. Nowachona niya, “Bi mondo anyisi Miaha, ma en chi Nyarombo.”

1 Samuel 2:1

Hana nolamo Ruoth Nyasaye, kowacho niya, “Chunya il gi Ruoth Nyasaye, nimar osemedo tekona. Achayo wasika, kendo amor nikech oseresa.