Fweny 19:5 - MUMA MALER 2015

⁵ Bang’ mano, duol moro noa e kom duong’ kawacho niya, “Pakuru Nyasachwa un jotichne duto madongo gi matindo ma oluore!”

Motingʼo Loko Manyien

⁵ Eka dwol noa e kom duongʼ mar loch, kawacho niya, “Pakuru Nyasachwa, un jotichne duto, un joge moluore, jomatindo kod jomadongo!”

Fweny 19:5 ပူးပေါင်းရင်းမြစ်များ

Zaburi 115:13

Ee, obiro guedho ji duto moluore, bed ni gin joma dongo kata joma tindo.

Zaburi 134:1

Biuru upak Ruoth Nyasaye, un jotichne duto, ma tiyo e Hakalu mare gotieno.

Zaburi 135:1

Pakuru Ruoth Nyasaye! Denduru nyinge un jotichne,

Zaburi 150:6

Gimoro amora mangima mondo opak Ruoth Nyasaye! Adier, pakuru Ruoth Nyasaye!

Zaburi 22:23

Un jotich Ruoth Nyasaye, pakeuru! Miyeuru duong’, un nyikwa Jakobo. Ee, un jo-Isarel duto, lameuru,

Fweny 13:16

Ondiegno nochuno ji duto, madongo gi matindo, jomwandu gi jochan, wasumbini gi joma ni thuolo, mondo giduto oket alama e luetgi ma korachwich kata e lela wengegi.

Fweny 16:17

Malaika mar abiriyo noolo tape e kor yamo, mi dwol maduong’ nowuok e kom duong’ manie Hekalu kawacho niya, “Osetimore!”

Fweny 19:18

mondo ucham ring ruodhi, gi ring jodong lweny, gi ring joma rateke, kod ring farese gi joma idhogi, kaachiel gi ring ji duto, joma ni thuolo gi wasumbini, joma tindo gi joma dongo.”

Fweny 20:12

Bende ne aneno joma otho, madongo gi matindo, kochung’ e nyim kom duong’, kendo noel kitepe. Eka kitabu machielo, ma en kitap ngima bende noel. Joma otho nong’adnigi bura kuom gik mane gitimo, kaluwore gi weche mane ondik e kitepego.

Fweny 7:15

Mano emomiyo gin e nyim kom duong’ mar Nyasaye, ka gilame odiechieng’ gotieno e Hekalune, kendo Jal mobet e kom duong’ biro dak kodgi.