Fweny 19:4 - MUMA MALER 2015

⁴ To jodongo piero ariyo gang’wen gi gik mangima ang’wen kande, nopodho piny mi olamo Nyasaye mobet e kom duong’, kawacho ni, “Ber mondo obed kamano! Opak Nyasaye!”

Motingʼo Loko Manyien

⁴ To jodongo piero ariyo gangʼwen gi gik mangima angʼwen-go, nopodho piny auma kendo gidendo Nyasaye mane obedo e kom duongʼ mar loch. Ne giywak niya, “Amin! Haleluya!”

Fweny 19:4 ပူးပေါင်းရင်းမြစ်များ

1 Weche mag Ndalo 16:36

Odend Ruoth Nyasaye ma Nyasach Israel higni gi higni. Eka ji duto nowacho niya, “Amin!” kendo ne gipako Ruoth Nyasaye.

Nehemia 5:13

Bang’e nateng’o nangana, ka awachonigi niya, “Ng’ato ka ng’ato ma ok ochopo singruokni, to Nyasaye mondo oteng’ oko kuom joge kendo kuom mwandune, mana kaka aseteng’o nangana, modong’ nono.” Eka ji duto ma nochokore nowacho ni, “Obed kamano.” Mi ne gipako Ruoth Nyasaye. Bange ne gitimo kaka ne gisingore.

Nehemia 8:6

Ezra nopako Ruoth Nyasaye maduong’ mi ji duto noting’o badgi malo, kawacho ni, “Obed kamano! Obed kamano!” Giduto ne gimiyo Ruoth Nyasaye duong’, ka gigoyo chonggi piny kendo gikulore nyaka e lowo.

Zaburi 104:35

Onego tiek joricho e piny. Adier, joma timbegi mono mondo olal nono. A chunya, pak Ruoth Nyasaye! Ee, wadendeuru!

Zaburi 106:48

Wadenduru Ruoth Nyasaye ma Nyasach Israel higni gi higni. Ji duto mondo owach niya, “Obed kamano!” Pakuru Ruoth Nyasaye!

Zaburi 41:13

Wapakuru Ruoth Nyasaye, ma Nyasach Israel. Ee, pakeuru sani, kendo nyaka chieng’! Amin! Amin!

Zaburi 72:19

Pakuru nyinge maduong’ nyaka chieng’, kendo duong’ne maler mondo opong’ piny! Amin!

Zaburi 89:52

Wapakuru Ruoth Nyasaye nyaka chieng’. Amin.

Jeremia 28:6

kowacho niya, “Mad Ruoth Nyasaye tim kamano! Dang’ bed maber ka omiyo wecheni duto otimore, mi oduogo gik lemo duto mane oter Babulon, kaachiel gi joma ne odar mi oter kuno e tuech!

Mathayo 28:20

kendo kupuonjogi rito weche duto masenyisou. To winjuru! An kodu ndalo duto nyaka giko piny.”

Mathayo 6:13

Kik iwe wadonj e tem, to reswa e richo, [ nimar loch gi teko kod duong’ gin magi nyaka chieng’. Amin.]

1 Jo-Korintho 14:16

Ka igoyo ni Nyasaye erokamano mana gi chunyi, ka idhum gi Roho, to ere kaka ng’ato ang’ata mobet e chokruokno diwach ni, ‘Amin’, bang’ erokamano migoyono, ka ok ong’eyo tiend gima iwacho?

Fweny 15:7

Eka achiel kuom gik mangima ang’wen-go nomiyo malaika abiriyogo tewni abiriyo mag dhahabu ma opong’ gi mirimb Nyasaye mantie nyaka chieng’.

Fweny 19:1

Bang’ wechego nawinjo gima chalo gi koko maduong’ mar oganda mang’ongo e polo kawacho niya, “Opak Nyasaye! Warruok gi duong’ maler kod teko gin mag Nyasachwa,

Fweny 19:3

Eka ne gichako gikok kendo niya, “Opak Nyasaye! Iro mar dala maduong’ mawang’no nodum nyaka chieng’!”

Fweny 19:6

Bang’e ne achako awinjo gima chalo gi koko oganda mang’ongo, kendo machalo gi pige mang’eny kawuo, bende machalo gi polo mamor matek, kawacho niya, “Opak Nyasaye! Ruoth Nyasachwa Manyalo Gik Moko Duto osekawo lochne.

Fweny 5:14

Eka gik mangima ang’wen-go nodwoko ni, “Obed kamano”, kendo jodongo nopodho piny mi olemo.