Fweny 19:18 - MUMA MALER 2015

¹⁸ mondo ucham ring ruodhi, gi ring jodong lweny, gi ring joma rateke, kod ring farese gi joma idhogi, kaachiel gi ring ji duto, joma ni thuolo gi wasumbini, joma tindo gi joma dongo.”

Motingʼo Loko Manyien

¹⁸ mondo ucham ring ruodhi, gi ring jotend lweny kod ring joma rateke, gi ring farese kod joithgi kaachiel gi ring ji duto, joma ni thuolo gi wasumbini, jomatindo gi jomadongo.”

Fweny 19:18 ပူးပေါင်းရင်းမြစ်များ

Jeremia 16:4

Tuoche maricho biro negogi, to onge ng’ama noywaggi, bende ok noyikgi. Ginidhurre pidhe pidhe mana ka owuoyo miolo e puothe. Moko notho e lweny to moko kech nonegi, kendo winy gi ondiegi nocham ringrergi.

Jeremia 19:7

Ka eri ema nakethie gik moko duto ma jo-Juda gi jo-Jerusalem chano timo. Anawe wasikgi logi, mi neggi e lweny, kendo anami winy gi ondiegi cham ringregi.

Jeremia 34:20

Abiro chiwogi e lwet wasikgi ma dwaro negogi, kendo ringregi winy gi le ema biro chamo.

Jeremia 7:33

Winy gi le mae thim ema nocham ringre joma otho, kendo ng’ato ok nobedie ma diriembgi.

Ezekiel 29:5

Anaboli e thim kaachiel gi rechgo duto, mi ringri norodhre piny kuno. Ok noyiki to wachiwi ni winy kod ondiegi mondo ochami.

Ezekiel 39:17

Ruoth Nyasaye nochako owacho niya, “Wuod dhano, nyis winy duto kod ondiegi duto man kuonde duto ni awachonigi kama: Biuru mondo ucham misango ma adwaro timonu. Obiro bet sawo maduong’ ahinya ewi gode mag Israel, kuma ubiro chamoe ring’o kendo madhoe remo.

Mathayo 24:28

Kama gimoro othoe, ema achudhe chokoree.

Luka 17:37

Eka ne gipenje niya, “Mano notimre kanye, Ruoth?” Nodwokogi ni, “Kama gimoro othoe ema achudhe chokoree!”

Rapar mar Chik 28:26

Ringreu nobed chiemb winy gi le, kendo onge ng’at ma noriembgi.

Fweny 11:18

Mirima nomako ogendini, to koro chieng’ mirimbi iwuon osechopo. Kinde osechopo ma iyaloe joma otho, kendo ichiwoe pok ni jotichni ma jonabi, kod jogi, kaachiel gi ji duto madongo gi matindo moluoro nyingi. En kinde mitiekoe jogo maketho piny.”

Fweny 13:16

Ondiegno nochuno ji duto, madongo gi matindo, jomwandu gi jochan, wasumbini gi joma ni thuolo, mondo giduto oket alama e luetgi ma korachwich kata e lela wengegi.

Fweny 17:16

To tunge apar mane ineno, kaachiel gi ondiegno, nobed mamon gi dhako ma jachodeno. Ginikeye nono mi giweye duk. Ginicham ringre, kendo giniwang’e pep gi mach,

Fweny 19:5

Bang’ mano, duol moro noa e kom duong’ kawacho niya, “Pakuru Nyasachwa un jotichne duto madongo gi matindo ma oluore!”

Fweny 6:15

Eka ruodhi mag piny, gi ji madongodongo, gi jotelo mag lweny, gi jomwandu, kod joma rateke, kaachiel gi wasumbini kod joma ni thuolo duto, nopondo e buche kendo e bwo lwendni mag gode.

1 Samuel 17:44

Eka nowacho ni Daudi niya, “Bi ira ka, mondo achiw ringri ni winy mae polo, kendo ni ondiegi mae thim!”

1 Samuel 17:46

Tinendeni Ruoth Nyasaye biro chiwi e lweta, mi abiro negi, kendo ang’ad wiyi oko. Ringri gi ringre jolweny mag jo-Filistia abiro weyo ni winy mae polo, kendo ni ondiegi mae thim, mondo piny duto ong’e ni nitie Nyasaye e Israel.