Fweny 18:9 - MUMA MALER 2015

⁹ To ruodhi mag piny moseterore kode, kendo mosedak kode e ngimane mamalo noywage kasedo kod nyinge, kaneno ich mach mawang’e kadhuolore.

Motingʼo Loko Manyien

⁹ “To ruodhi mag piny mane oterore kode, kendo bedo kode e ngima moyombore noywage kendo sedo kod nyinge ka gineno yiro madum ka owangʼ.

Fweny 18:9 ပူးပေါင်းရင်းမြစ်များ

Chakruok 19:28

mong’iyo yo Sodom gi Gomora kod pap duto moneno iro ka dhuolore.

Zaburi 58:10

Joma kare to nobed mamor ka gineno kikumo joricho, kendo giniyor remb jorichogo.

Isaya 13:19

Kamano, kata obedo ni Babulon, en dala maberie moloyo mier mag pinje mamoko duto, kendo ma jo-Babulon sungorego, to Nyasaye nokethe mana kaka noketho Sodom gi Gomora.

Isaya 30:33

To mach miwang’oe ringre joma otho ne oseik chon mondo owang’ie Molok, nyasach Asuria. Kendono duong’ ahinya, kendo odhurie yien mogundho. Much Ruoth Nyasaye ma chalo gi mach maliel ema biro moke.

Jeremia 50:40

Gima notimore ni Sodom gi Gomora kane akethogi kaachiel gi mier mokiewo kodgi, e gima biro timore ni Babulon. Onge ng’ama nodag kuno, kata mana ma nobworie. An Ruoth Nyasaye ema awacho kamano.

Jeremia 50:46

Ka olo Babulon, to koko nogore matek, mi piny noyiengni, kendo ogendini mamoko nowinj kokone.”

Jeremia 51:8

To koro Babulon osepodho apoya, mi okethore! Ywageuru! Dwaruru yath ni adhondene, nimar dipo ka omiyo ochango.

Ezekiel 27:35

Ng’ato ka ng’ato modak e dhonam, kihondko goyo kuom gima osetimoreni. Kata mana ruodhi maggi bende obwok, mi remb ringregi oo.

Daniel 4:14

Ne okok gi duol maduong’ niya, ‘Ng’ad yadhno oko, kendo ilwer bedene gi obokene, mi ike olembene, mondo le oring oa e tipone, kendo winy bende oa e bedene.

Rapar mar Chik 29:23

Piny duto nowang’ gi mach kendo notim chumbi, ma ok nyal pidhie gimoro, kata mana lum bende ok notwiye. Nokethre mana ka Sodom gi Gomora, kod Adma gi Zeboim, mane Ruoth Nyasaye otieko gi mirimbe mager.

1 Timotheo 5:11

To kik iyie mondo ondik nying mond liete mapod tindo, nikech ka gombogi osegologi kuom Kristo, to gidwaro mondo okendgi.

Fweny 14:11

To iro mar mach masandogi nodum malo nyaka chieng’. Bende jogo malamo Ondiek kod gima ket kode, kata moyudo alama mar nyinge, ok noyud yueyo odiechieng’ gotieno.”

Fweny 17:2

En ema ruodhi mag piny oseterore kode, kendo ji duto modak e piny bende osemadho divai mar terruokne mi omer.”

Fweny 18:18

Kane gineno ich mach mawang’o Babulon ne giywak ka gikok niya, “Onge dala moro maduong mosebedoe machal gi dalani!”

Fweny 18:20

“To in polo, gone siboi nikech osekethe. Un jo-Nyasaye gi joote kod jonabi, beduru mamor, nimar Nyasaye osekume kuom gima notimonu!

Fweny 18:3

Mano osetimore nikech ogendini duto osemadho divai makech mag terruokne. Ruodhi mag piny oseterore kode, kendo joohala mag piny bende osedoko jomwandu nikech ohala ma ngimane mamalo osekelonigi.”

Fweny 18:7

Miyeuru sand kod ywagruok moromore mana gi duong’ mane omiyore owuon kodak e ngima mamalo! Owacho e chunye niya, ‘An Ruoth, kendo ok nane gima dimi aywag ngang’.’

Fweny 19:3

Eka ne gichako gikok kendo niya, “Opak Nyasaye! Iro mar dala maduong’ mawang’no nodum nyaka chieng’!”

Fweny 2:22

Omiyo anabole e kitanda mar rem, kendo anami joma terore kode yud chandruok malit, ka ok giloko chunygi, mi giweyo gik ma opuonjogi mondo gitim.