Fweny 18:6 - MUMA MALER 2015

⁶ Timneuru kaka osetimo! Medneuru nyadiriyo kuom gik ma osetimo! Kikombe mane omiyo jomoko omadho, ema mondo uolne nyadiriyo!

Motingʼo Loko Manyien

⁶ Timneuru kaka osetimono! Medneuru nyadiriyo kuom gik ma osetimo! Losneuru mathne mane omiyo ji e kikombene nyadiriyo.

Fweny 18:6 ပူးပေါင်းရင်းမြစ်များ

Zaburi 137:8

In Babulon bende ibiro kethi, kendo ng’at ma ochuloni kuor kuom gik ma isetimonwa en jahawi!

Zaburi 28:4

Kumgi kuom richo ma gisetimo. Ee, kumgi kuom wechegi maricho duto, kendo timnigi mana kaka owinjore kodgi.

Isaya 40:2

Wuouru gi jo-Jerusalem gi muolo, kuwachonigi ni gisetieko ndalogi mag tuech, kendo ni osekumgi moromo. Ruoth Nyasaye osekumogi nyadiriyo kuom richogi duto.”

Isaya 61:7

Kar bedo gi wichkuot, to unuyud pok nyadiriyo, kendo kar yudo achaya, to unubed mamor gi poku. Kamano unuyud pok nyadiriyo e pinyu, mi ubed gi mor mochwere,

Jeremia 16:18

Abiro miyo gichul nyadiriyo kuom richogi gi timbegi mamono. Gisedwanyo pinya gi nyisechegi maonge gi ngima mana ka ringre joma otho, kendo gisepong’o piny gi nyisechegi mamono gogo.”

Jeremia 17:18

Kel wichkuot kuom joma sanda, to an mondo iweya, kendo kelnigi kihondko, to an kik ibwoga. Kelnigi masira, kendo kethgi chuth.”

Jeremia 50:15

Gouru sigich lweny e alwora mar dala koni gi koni, nimar jo-Babulon oseting’o badgi ni wasikgi! Ohingane osetuom momukore! An Ruoth Nyasaye koro achulo kuor ni jo-Babulon. Kuom mano, un bende chulnigiuru kuor, kendo utimnigi mana kaka ne gitimo ni ji mamoko.

Jeremia 50:29

“Nyisuru jo-asere mondo omonj Babulon. Ee, ng’ato ka ng’ato mong’eyo bayo asere olwor dala, kendo kik uwe ng’ato tony. Chuluru ni Babulon kuor kuom gik moko duto mosetimo, kendo utimne mana kaka osetimo ni ji mamoko, nikech osesungore e nyima, an Ng’ama Ler mar Israel.

Jeremia 51:24

Ruoth Nyasaye wacho niya, “Ubiro neno ka achulo kuor ni Babulon gi joge kuom richo duto mane gitimo Sayun.

Jeremia 51:49

Babulon nomiyo ji otho e piny ngima, omiyo koro ibiro kethe nikech joge nonego jo-Israel mang’eny.

Ywagruok 3:64

A Ruoth Nyasaye, timnigi gima oromo gi timbegi.

Zekaria 9:12

Un joma otue ma koro nigi geno, duoguru e dalau mochiel motegno. Ahulo ni abiro guedhou nyadiriyo kuom sand mane osandugo.

2 Timotheo 4:14

Aleksander ma jatheth mula notimona marach ahinya, Ruoth chieng’ nochule kuom gik mane otimona.

Fweny 13:10

Ng’at ma onego tue nyaka tue, kendo ng’at monego negi e lweny, to nyaka negi e lweny, ma e kinde ma jo-Nyasaye nyaka timie kinda kendo nyaka bedie motegno.

Fweny 14:10

nyaka madh divai mar mirimb Nyasaye moruw makech e kikombe mar mirimbe. Noyud sand mar mach makakni e nyim malaika maler, kendo e nyim Nyarombo.

Fweny 16:19

Dala maduong’ nobarore didek, kendo mich ogendini duto mae piny nomukore. Nyasaye noparo Babulon dala maduong’, mi ne omiyo omadho kikombe mar divai mar mirimbe mager!

Fweny 17:2

En ema ruodhi mag piny oseterore kode, kendo ji duto modak e piny bende osemadho divai mar terruokne mi omer.”

Fweny 17:4

Dhakono norwako law maralik gi makwar, kendo nolichore gi dhahabu kod kite ma nengogi tek, kod lulu. To e lwete noting’oe kikombe mar dhahabu mopong’ gi gik modwanyore kod gik mochido mag terruokne.

Fweny 18:20

“To in polo, gone siboi nikech osekethe. Un jo-Nyasaye gi joote kod jonabi, beduru mamor, nimar Nyasaye osekume kuom gima notimonu!