Fweny 18:4 - MUMA MALER 2015

⁴ Eka ne achako awinjo dwol machielo moa e polo kawacho niya, “Un joga, auru kuom dalano, mondo kik uriwru e richone, kendo kik unwang’ masichene,

Motingʼo Loko Manyien

⁴ Eka nawinjo dwol moro machielo moa e polo kawacho niya, “ ‘Un joga, wuoguru ua kuome,’ mondo kik ubed achiel kode e richone, mondo kik unwangʼ masichene,

Fweny 18:4 ပူးပေါင်းရင်းမြစ်များ

Chakruok 19:14

Kuom mano Lut nodhi ir joma ne nywomo nyige, mowachonigi niya, “Ikreuru piyo mondo waa e dalani, nikech Ruoth Nyasaye biro kethe.” To ne giparo ni otugo.

Zaburi 50:18

Ka ineno jakuo, to ibedo osiepne, kendo inie kanyakla mar joma terore.

Isaya 48:20

Wuoguru ua Babulon! Ee, ringuru ua kuom jo-Kaldai! Wachuru ni, Ruoth Nyasaye ema osewaro joka Jakobo jotichne. Nyisuru wachno, kuwer gi mor mar loch, kendo kulande e tung’ piny gi tung’ piny.

Isaya 52:11

Wuoguru! Wuoguru ua Babulon, ka ok umulo gimoro mogak. Adier, un muting’o gik lemo, wuoguru Babulon chuth, kusepwodhoru maler.

Jeremia 50:8

“Un jo-Israel, ringuru ua Babulon! Ringuru ua e pinyno! Un ema ukuong wuok ka nyuogi ma telo ni kweth.

Jeremia 51:45

Ng’ato ka ng’ato oring mirimba mager, mondo ores ngimane.

Jeremia 51:50

“Un joga man Babulon, useyombo tho! Koro ringuru ua, mak udigni. Kata ubor koda kamano, to paruru an Ruoth Nyasaye ma Nyasachu, kendo Jerusalem bende mondo upar.

Jeremia 51:6

Koro achulom kuor kendo akumo jo-Babulon, to ok onego negu nikech richogi, omiyo ringuru ua kuno, ukwo ngimau.

Jeremia 51:9

Jo-pinje mamoko modak kuno nowacho niya, ‘Ne watemo konyo Babulon, to kata kamano kinde nosekadho. Koro biuru, wawuogi mondo wadog thuchewa, nimar osekum Babulon gi kum malich mochopo nyaka e polo.’

Mathayo 23:30

kuwacho niya, ‘Dine wadag e ndalo kwerewa, to dine ok wariwore kodgi kuom chuero remb jonabi.’

2 Jo-Korintho 6:17

Emomiyo Ruoth owacho ni, “Auru kuomgi, kendo pogreuru kodgi. Kik umul gimoro mogak, mi narwaku.

1 Timotheo 5:22

Kik irikni yieyo lwedo kuom ng’ato kikete e tich telo, nikech dipo ka iriwori kode e richone moro, to ritri ibed maler.

2 Johana 1:11

nimar ng’at momose, bende oriwore kode e timbene maricho.