Fweny 18:24 - MUMA MALER 2015

²⁴ Babulon ne okum kamano nikech remb jonabi gi remb jo-Nyasaye gi remb ji duto mane osenegi e piny, ne oyud kuome.

Motingʼo Loko Manyien

²⁴ Ne oyud kuome remb jonabi gi remb jomaler, kod remb ji duto mane osenegi e piny.”

Fweny 18:24 ပူးပေါင်းရင်းမြစ်များ

Jeremia 2:34

Remb joma odhier, kendo maonge ketho, otonie lepu; gin remb joma ne ok oturo uteu ka kweloe. To kata kamano uwacho niya,

Jeremia 51:49

Babulon nomiyo ji otho e piny ngima, omiyo koro ibiro kethe nikech joge nonego jo-Israel mang’eny.

Ezekiel 22:12

Jomoko kuomu chuero remo mana ni mondo oyud pesa. To moko bende okawo ohala kuom pesa ma giholo jo-Israel wetegi, kendo gidoko momew e yor wuond. Wiu osewil koda. An Ruoth Nyasaye ema awacho kamano.

Ezekiel 22:27

Ruodhi chalo gi otoche ma kidho le ma gimako. Gichuero remo mondo giyud mwandu.

Ezekiel 22:9

Ji moko kuomu hango ni jowetegi wach mondo onegi. Moko bende chamo misengni motim kuonde moting’ore ma chik okwero, kendo moko dwanyore adwanya e kindu.

Daniel 7:21

To kane pod oyudo ang’icho, ne aneno ka tung’no kedo gi jo-Nyasaye, mi oloyogi,

Daniel 7:25

Enobed kowuoyo marach kuom Nyasaye Maduong’ Moloyo, kendo enothir jo-Nyasaye. Bende enotem loko chike mag dinigi kod sewni maggi, mi jo-Nyasaye nobed e bwo lochne kuom higni adek gi nus.

Mathayo 23:27

“Mano kaka unune malit, un jopuonj Chik gi jo-Farisai, mawuondore ni ohero Nyasaye! Uchalo gi liete mobuk matar, manenore maber gi oko, to igi opong’ gi choke joma otho, kod gik moko duto mochido.

Mathayo 23:35

Kamano unuyud kum kuom remb joma kare duto mosechuer e piny, chakre remb Habil nyaka remb Zakaria wuod Barakia, mane unego e kind Kama Ler gi kendo-mar-misango.

Tich Joote 7:52

Bende nitie janabi moro mane kwereu ok osando? Ne ginego joote Nyasaye mane osehulo chon ni Ng’ama Kare biro biro. To koro un usendhogo Ng’ama Kareno, mi unego.

1 Jo-Thesalonika 2:15

Jo-Yahudigo ema ne onego Ruoth Yesu kod jonabi maggi, kendo gin ema ne giriembowa oko. Ok gilong’o ni Nyasaye, bende gimon gi ji duto.

Fweny 11:7

To ka gisetieko hulo wach momigi, to ondiek mowuok e Bur Matut Maonge Gikone noked kodgi, mi logi kendo neggi.

Fweny 16:6

nikech joma nochuero remb jo-Nyasaye kod jonabi isemiyo remo mondo omadhi!”

Fweny 17:6

Bende ne aneno ka remb jo-Nyasaye, kod remb joma ohulo ni Yesu e Ruoth, omero dhakono. Kane anene to ne awuoro ahinya,

Fweny 19:2

nikech pile ong’ado bura e yo ma adier kendo makare. Nong’ado bura ni jachode maduong’ mane oketho piny gi terruokne. Adier, Nyasaye osekume nikech nonego jotich Nyasaye.”