Fweny 18:23 - MUMA MALER 2015

²³ Ler mar taya ok nochak orieny kuomi, kata dwond wuon kisera gi dwond miaha ok nowinji kuomi kendo ng’ang’. Joohala magi ne gin joohala madongo e piny, bende ne iwuondo ogendini duto gi timbeni mag jwok.”

Motingʼo Loko Manyien

²³ Ler mar taya ok norieny kendo e iyi chutho. Dwond wuon kisera gi dwond miaha bende ok nochak owinj e iyi ngangʼ. Jolok ohala magi ne gin ji madongo e piny. To pinje duto nobaro mokethore nikech wuondni kod timbeni mayore mag jwok.

Fweny 18:23 ပူးပေါင်းရင်းမြစ်များ

2 Ruodhi 9:22

Kane Joram oneno Jehu, nopenje niya, “Ere kaka wach nyalo bet maber, ka meru Jezebel pod dhi nyime gi timbene mag ndhogruok gi mag jwok?”

Ayub 21:17

Joricho manok kende ema tho piyo, kendo matin kende ema yudo masira. Bende Nyasaye osekumo joricho gi mirima adier,

Ngeche 24:20

nimar jaricho onge gi gima ogeno, to tho kende ema ochomogi.

Isaya 23:8

To en ng’a mosechano kelo masira kuom Turo, dala ma pinje moko nie bwoye, kendo ma joohala mage gin joma ogen e piny ngima?

Isaya 47:9

To kata obedo ni iparo kamano, to piyopiyo nono gik moko ariyogo notimreni riat odiechieng’ achiel, mi inidong’ chi liel, kendo nyithindi bende notho. Mago duto notimreni, ma kata yiendi mang’enygo ok nokonyi.

Jeremia 16:9

An Ruoth Nyasaye Manyalo Gik Moko Duto awacho kama: Abiro tieko mor kod ilo ma jogo nigo, ma kata dwond mon ma miehni gi chwogi ok nowinj kaeri. Gigi duto notimre kapod gingima kendo gineno gi wang’gi!”

Jeremia 25:10

Abiro tieko mor gi ilo ma gin go, ma kata dwond mon ma miehni gi chwogi ok nowinji. Ponge bende ok nowinji ka rego, kendo anasim techegi.

Jeremia 7:34

Anatiek mor gi ilo duto e miech Juda, kendo e wang’ yore man Jerusalem, ma kata mana dwond miaha gi chwore ok nowinji, nikech noyud ka piny oselokore thim.

Nahum 3:4

Mago duto otimore nikech timbeni modwanyore. Ne in dala ma jaber, to ipong’ gi timbe mag juok. Ne indhogo ogendini gi timbeni mag juok gi mag dwanyruokgo.

Tich Joote 8:11

Ne osemako dhogi gi timbene mag ajuokego kuom kinde malach, omiyo ne giyie kuome.

Fweny 12:9

Thuol maduong’no ne owit mwalo e piny kaachiel gi malaikane duto. En e thuol mang’ongo machon miluongo ni Jachien kata Satan, mane owuondo piny ngima.

Fweny 17:2

En ema ruodhi mag piny oseterore kode, kendo ji duto modak e piny bende osemadho divai mar terruokne mi omer.”

Fweny 17:5

Nying moro ma tiende opondo nondiki e lela wang’e niya, “Babulon maduong’, min jochiende duto, kendo min gik modwanyore mag piny.”

Fweny 18:22

Dwond joma goyo thum gi jower gi joma goyo asili gi joma goyo tung’ ok nochak owinj kuomi ngang’. Bende jotich matiyo tich moro amora ok nochak oyudi kuomi ngang’, kata dwond pong’ marego bende ok nowinji kuomi kendo.

Fweny 18:3

Mano osetimore nikech ogendini duto osemadho divai makech mag terruokne. Ruodhi mag piny oseterore kode, kendo joohala mag piny bende osedoko jomwandu nikech ohala ma ngimane mamalo osekelonigi.”

Fweny 18:9

To ruodhi mag piny moseterore kode, kendo mosedak kode e ngimane mamalo noywage kasedo kod nyinge, kaneno ich mach mawang’e kadhuolore.

Fweny 21:8

To ngoche, gi joma ok oyie, kod jomriambo duto, kargi nobed mana ataro maliel gi ligek mach, ma en tho mar ariyo!”

Fweny 22:15

To guogi gi jojuogi, gi joma terore, gi jonek, gi joma lamo nyiseche manono, kod ji duto ma ohero miriambo kendo matimo gik ma ok adiera, nobed oko.

Fweny 22:5

Otieno ok nochak obedie, kendo ok ginidwar ler mar taya kata mar chieng’, nikech Ruoth Nyasaye nomigi ler, kendo ginibed gi loch nyaka chieng’.

Fweny 6:15

Eka ruodhi mag piny, gi ji madongodongo, gi jotelo mag lweny, gi jomwandu, kod joma rateke, kaachiel gi wasumbini kod joma ni thuolo duto, nopondo e buche kendo e bwo lwendni mag gode.

Fweny 9:21

Bende ne ok giloko chunygi giweyo nek, kata timbe juok, kata terruok, kata kuo, mane gisebedo ka gitimo.