Fweny 18:22 - MUMA MALER 2015

²² Dwond joma goyo thum gi jower gi joma goyo asili gi joma goyo tung’ ok nochak owinj kuomi ngang’. Bende jotich matiyo tich moro amora ok nochak oyudi kuomi ngang’, kata dwond pong’ marego bende ok nowinji kuomi kendo.

Motingʼo Loko Manyien

²² Wende jogo thum nyatiti gi jower, kod jogo asili gi jogo tungʼ, ok nowinj kuomi ngangʼ. Kata ja-ohala moro amora ok noyud kuomi ngangʼ, bende pongʼ marego ok nowinj kuomi ngangʼ.

Fweny 18:22 ပူးပေါင်းရင်းမြစ်များ

Ayub 3:7

Otienono obed otieno ma ok makie ich nyathi, kendo ma koko mar mor ok winjie.

Eklesiastes 12:4

Itu nobed modinore ma ok unyal winjo koko ma ji goyo e wang’yore. Bende ka pong’ rego, kata ka thum ywak to ok unuwinj maber. To kata kamano, kata mana ywak winyo nochiewu e nindo.

Isaya 23:12

Osewacho niya, “Yaye, un jo-Sidon, dala mothir, ok unuchak uubed mamor. Kata ka ung’ado nam mudhi Saiprus, to kuno bende ok unuyudie yueyo.

Jeremia 16:9

An Ruoth Nyasaye Manyalo Gik Moko Duto awacho kama: Abiro tieko mor kod ilo ma jogo nigo, ma kata dwond mon ma miehni gi chwogi ok nowinj kaeri. Gigi duto notimre kapod gingima kendo gineno gi wang’gi!”

Jeremia 25:10

Abiro tieko mor gi ilo ma gin go, ma kata dwond mon ma miehni gi chwogi ok nowinji. Ponge bende ok nowinji ka rego, kendo anasim techegi.

Jeremia 33:11

To ubiro chako winjo mor gi ilo kuondego. Dwond mon ma miehni gi chwogi bende nowinji. Unuwinj ka ji wer ka gikelo chiwo mag erokamano e Hekalu mara niya, ‘Gouru erokamano ni Ruoth Nyasaye Manyalo Gik Moko Duto, nikech ong’won kendo herane osiko.’ Abiro miyo pinyni bed maber mana kaka ne ochalo chon. An Ruoth Nyasaye ema awacho kamano.”

Jeremia 7:34

Anatiek mor gi ilo duto e miech Juda, kendo e wang’ yore man Jerusalem, ma kata mana dwond miaha gi chwore ok nowinji, nikech noyud ka piny oselokore thim.

Ezekiel 26:13

Kamano anatiek wer duto miwero, kendo thumbe migoyo ok nochak owinji.

Mathayo 9:23

Kane Yesu ochopo e od jaduong’no noyudo ji ka goyo asili, kendo ywak malit.