Fweny 18:21 - MUMA MALER 2015

²¹ “Eka malaika maratego noting’o kidi machalo gi pong’ maduong’, mi obolo e nam, kowacho niya, “Mano e kaka dala maduong’ mar Babulon nobol piny, mi ok nochak onene kendo ngang’!

Motingʼo Loko Manyien

²¹ Eka malaika maratego nokawo kidi machalo gi pongʼ rego maduongʼ, notingʼe kendo nobole e nam, kowacho niya, “Kamano e kaka Babulon dala maduongʼ nobol piny, mi ok nonene ngangʼ.

Fweny 18:21 ပူးပေါင်းရင်းမြစ်များ

Nehemia 9:11

Nipogo nam diere e nyimgi, mi ging’ado ka giwuotho e lowo motwo, To joma ne lawogi niwito e kut ka kidi mowit e apaka mar nam.

Ayub 20:8

Enoduon ka buoyo, kendo nolal nono ka lek, mi ok nonene kendo.

Zaburi 37:36

to achien, kane akadho kanyo, ne ok anene. Ne amanye matek, to ne ok ayude.

Wuok 15:5

Nam matut oimogi. Ne ginyumore piny ka kidi.

Ezekiel 26:21

Anami ibed gima bwogo ji, kendo mano ema nobed gikoni. Ji notem manyi, to ok giniyudi. An Ruoth Nyasaye ema awacho kamano.”

Daniel 11:19

Enoring mi odog e mier mochiel motegno e pinye owuon, to noloye kuno, mi mano nobed rumbe chuth.

Fweny 10:1

Bang’e ne aneno malaika machielo maratego koa e polo. Ne orwakore gi bor polo, kendo lihudu nolworo wiye, to wang’e ne chalo gi sirni makakni ka mach.

Fweny 12:8

to ne ologi, mi kargi ne ok ochako obetie e polo kata matin.

Fweny 16:20

Chulni duto nolal nono kaachiel gi gode duto.

Fweny 18:10

Ginichung’ gi kuma bor, ka kihondko omakogi nikech sandruok moyudo, kendo giniwach niya, “Yaye! Mano kaka dala maduong’ neno malit! Yaye! In Babulon, dala man gi teko, osetieki mana e sa achiel kende!”

Fweny 18:22

Dwond joma goyo thum gi jower gi joma goyo asili gi joma goyo tung’ ok nochak owinj kuomi ngang’. Bende jotich matiyo tich moro amora ok nochak oyudi kuomi ngang’, kata dwond pong’ marego bende ok nowinji kuomi kendo.

Fweny 20:11

Eka ne aneno kom duong’ mang’ongo marachar kod jal mobetie. Piny gi polo noringo oa e nyime mi olal nono.

Fweny 5:2

Eka ne aneno malaika maratego kalando wach gi dwol maduong’ niya, “Ere ng’ama owinjore ketho kidogi, mi el kitabuni?”