Fweny 18:20 - MUMA MALER 2015

²⁰ “To in polo, gone siboi nikech osekethe. Un jo-Nyasaye gi joote kod jonabi, beduru mamor, nimar Nyasaye osekume kuom gima notimonu!

Motingʼo Loko Manyien

²⁰ “Yaye polo bed mamor kuom kethne. Un jomaler mag Nyasaye gi joote kod jonabi, beduru mamor! Nyasaye osengʼadone bura kendo kume nikech timbe mane otimonu.”

Fweny 18:20 ပူးပေါင်းရင်းမြစ်များ

Zaburi 107:42

Joma kare neno kamano, kendo gibedo mamor, to joricho duto dhogi moko.

Zaburi 109:28

We gikuong’a akuong’a, to in yie iguedha. Mad lo wasika duto, to an jatichni mondo abed gi mor.

Zaburi 18:47

En e Nyasaye mane omiya teko mar chulo kuor, koketo ogendini e bwo lochna,

Zaburi 48:11

omiyo jo-Sayun bedo mamor. Ing’ado bura kare, omiyo ilo opong’o mier mag Juda.

Zaburi 58:10

Joma kare to nobed mamor ka gineno kikumo joricho, kendo giniyor remb jorichogo.

Zaburi 94:1

A Ruoth Nyasaye, in Nyasaye machulo kuor. Nyiswa kaka ichalo!

Ngeche 11:10

Dala bedo mamor ka joma kare dhi nyime maber, kendo mahu mar mor nitie ka joricho tho.

Isaya 26:21

nikech Ruoth Nyasaye biro biro, koa kar dakne, mondo okum joma odak e piny nikech richogi. Piny noel remo mosechuer kuome, kendo ok nopand joma osenegi.

Isaya 44:23

Koguru gi mor un polo, nimar Ruoth Nyasaye ema osetimo kamano. Un kuonde matut moloyo mag piny, gouru mahu gi mor, kendo un gode kaachiel gi bunge kod yien, weruru wende locho, nikech Ruoth Nyasaye osewaro jo-Israel ma nyikwa Jakobo, komiyogo nyinge duong’.

Isaya 49:13

Un polo gi piny, koguru gi mor! Weruru wende locho, un gode, nimar Ruoth Nyasaye osekueyo chuny joge machandore, kendo obiro kechogi.

Zefania 3:15

nimar Ruoth Nyasaye oseriembo wasiku, motero kuma bor. Ruoth Nyasaye ma Ruodh Israel nie kindu, omiyo ok unuchak uluor masira.

Jo-Efeso 2:20

Un bende osegeru ewi mise mane joote kod johul wach moa kuom Nyasaye oketo, ka Kristo owuon ema obedo kidi motegno moriwo kor ot.

Jo-Efeso 3:5

E ndalo machon, ne ok nyis ji wach mopondono, to koro Nyasaye oseele gi teko mar Roho ni jootene maler kod johul wach.

Jo-Efeso 4:11

En ema nopogo mich ni ji, koyiero ji moko mondo obed joote, to moko johul wach moa kuom Nyasaye, kendo moko joland Wach Maber, to moko jotend jo-Kristo, to moko jopuonj.

Rapar mar Chik 32:42

Anami asere maga chadhre gi remb joma onegi kod joma omaki. Liganglana nochadh jotend wasigu.

2 Petro 3:2

kaparonu weche mane jonabi maler owacho e ndalo machon, kod chik mar Ruoth kendo Jawar mane jooteu okelonu.

Juda 1:17

To osiepna, nyaka upar gima ne joote mag Ruodhwa Yesu Kristo okoro.

Fweny 12:12

Omiyo, polo kod joma odakie mondo obed mamor! To mano kaka nobednu malit un piny gi nam, nimar Satan oselor obiro iru ka nigi mirima mager nikech ong’eyo ni odongne mana ndalo matin kende.”

Fweny 18:6

Timneuru kaka osetimo! Medneuru nyadiriyo kuom gik ma osetimo! Kikombe mane omiyo jomoko omadho, ema mondo uolne nyadiriyo!

Fweny 6:10

Ne gikok matek niya, “Yaye, Ruoth Maler kendo Maradiera! Nyaka karang’o mapod ibiro bet ka ok ing’adoe bura ni joma odak e piny, kichulo kuor kuom rembwa?”

Jong’ad Bura 5:31

“A Ruoth Nyasaye, wasiki duto mondo olal nono kamano, to ji duto moheri mondo orieny ka wang’chieng’ ma wuok gi tekone duto.” Bang’e piny Israel nobedo gi kue kuom higni piero ang’wen.