Fweny 18:14 - MUMA MALER 2015

¹⁴ Johala nowach ni dala Babulon niya, “Gik mabeyo duto ma yande iketo e chunyi oserumo! Adier, gik mapakni gi gik malombo wang’ oselal nono. Ok nichak ibed kodgi ng’ang’!”

Motingʼo Loko Manyien

¹⁴ “Giniwach niya, ‘Olembe ma yande igombo oserumoni. Mwandugi duto kod gik mabeyo malombo wangʼ oselal chutho, ok nibed kodgi kendo ngangʼ.’

Fweny 18:14 ပူးပေါင်းရင်းမြစ်များ

Zaburi 106:14

Wuoro ne omakogi e thim, mi gitemo Nyasaye ka gikwaye ring’o.

Zaburi 78:18

Ne gitemo Nyasaye marayiem, ka gikwaye chiemo mondo gineggo kech.

Kwan 11:34

Ne ochak kanyo ni Kibroth-hataava, (tiende ni liete joma jowuoro), nikech kanyono ema ne giyikoe joma ne wuoch ring’o omako.

Kwan 11:4

Ne nitie joma yoreyore moa e ogendini mopogore opogore, mane wuotho gi jo-Israel. Chuny jogo nochako gombo gik mopogore opogore. Jo-Israel bende nochako ywak, kapenjo ni “Onge ng’at ma dimiwae ring’o ngang’?

Mathayo 11:8

To ka ok kamano, to ang’o mane udhi neno? Koso ne udhi neno ng’at morwakore gi lewni mabeyo? Ooyo! Joma rwakore kamano iyudo mana e ut ruodhi!

Luka 12:20

To Nyasaye nowacho ni ng’atno niya, ‘In ng’at mofuwo! Otieno ma kawuononi ang’ nokaw chunyi! To koro gik misekanogo duto biro konyi gang’o?’ ”

Luka 16:25

To Ibrahim nodwoke ni, ‘Wuoda, par ni kane pod ingima ne iyudo gik moko mabeyo, to Lazaro ne yudo gik maricho. To koro sani oneno maber kaeri, ka into inie rem malit.

1 Jo-Korintho 10:6

Gigo duto notimore mondo obednwa ranyisi ni mondo wan kik wagomb gik maricho kaka ne gigombo.

Jakobo 4:2

Ugombo, to ok uyudi, omiyo uneko! Nyiego makou nikech gima ok unyal nwang’o? Omiyo upiem kendo ukedo. To gimomiyo ok unyal yuda gima udwaro en nikech ok ukwa Nyasaye.

Fweny 18:13

kod gik moko kaka dalasini gi gik mang’ue ng’ar, gi uvumba, gi mor wir madum tik mamit, gi ubani, kod divai gi mo kod mogo mayom gi ngano kod rombe gi dhok kod farese gi geche lweny, gi joma otue wasumbini, kod ngima mag ji.

Fweny 18:15

Johala mane odoko momew nikech ne giloko ohala e dalano, nochung’ gi kuma bor, ka kihondko omakogi nikech sandruokne. Giniywagi ka giwacho niya,