Fweny 18:10 - MUMA MALER 2015

¹⁰ Ginichung’ gi kuma bor, ka kihondko omakogi nikech sandruok moyudo, kendo giniwach niya, “Yaye! Mano kaka dala maduong’ neno malit! Yaye! In Babulon, dala man gi teko, osetieki mana e sa achiel kende!”

Motingʼo Loko Manyien

¹⁰ Ginichungʼ mabor ka giluoro sandne kendo ka giywak niya, “ ‘To mano kaka lit! To mano kaka lit! Yaye dala maduongʼ. Yaye Babulon, dala maduongʼ man-gi teko! Kethruokni osechoponi kuom sa achiel kende!’ ”

Fweny 18:10 ပူးပေါင်းရင်းမြစ်များ

Isaya 21:9

to koro echa aneno joidh farese ka biro, kaachiel gi geche lweny ma farese ariyo ariyo ywayo.” Eka nawinjo dwoko niya, “Babulon osepodho! Osepodho, kendo nyisechene manono osemuki moriere piny.”

Isaya 47:9

To kata obedo ni iparo kamano, to piyopiyo nono gik moko ariyogo notimreni riat odiechieng’ achiel, mi inidong’ chi liel, kendo nyithindi bende notho. Mago duto notimreni, ma kata yiendi mang’enygo ok nokonyi.

Jeremia 30:7

Odiechieng’ marach biro, kendo onge odiechieng’ machal kode. En chieng’ marach ni nyikwa Jakobo. To kata kamano, gibiro tony.”

Ezekiel 32:9

“Ka atero jogi momak e lweny, e pinje mane pok ing’eyo, to kibaji biro goyo ogendini mathoth.

Joel 1:15

Chieng’ Ruoth Nyasaye chiegni, chieng’ ma Ng’ama Nyalo Gik Moko Duto keloe masira malich. Chieng’no nobed marach manade!

Amos 5:16

Kuom mano, Ruoth Nyasaye Manyalo Gik Moko Duto wacho kama: “Ywak biro bet e yore duto mag dala, kendo kuonde duto ji nobed kaywakie, ma kata mana jopur noluong mondo oywagi kaachiel gi joma ong’eyo wende ywak.

Kwan 16:34

Ne giywak, mi jo-Israel duto mane ni machiegni kanyo, oringo ka kok niya, “Neyeuru kaka piny biro mwonyowa!”

Fweny 11:8

Ringregi noriere e yo mar dala maduong’ ma iluongo gi ngero ni Sodom kata Misri, ma en dala mane ogurie Ruodhgi.

Fweny 14:8

Eka malaika mar ariyo noluwe kawacho niya, “Yaye! Babulon, dala maduong’, osepodho! Osepodho! En e dhako mane omiyo ogendini duto omadho divai mar terruokne. En divai makelo mirimb Nyasaye.”

Fweny 16:19

Dala maduong’ nobarore didek, kendo mich ogendini duto mae piny nomukore. Nyasaye noparo Babulon dala maduong’, mi ne omiyo omadho kikombe mar divai mar mirimbe mager!

Fweny 17:12

Tunge apar mane inenogo to gin ruodhi apar mapok ochako bedo gi loch, to ibiro miyogi teko mar loch kaka ruodhi, kaachiel gi ondiegno, kuom sa achiel kende.

Fweny 18:18

Kane gineno ich mach mawang’o Babulon ne giywak ka gikok niya, “Onge dala moro maduong mosebedoe machal gi dalani!”

Fweny 18:19

Ne gibuko wigi buru ka giywak kendo gidengo niya, “Yaye! Mano gima lit manade mosetimore ni dala maduong’ni! En dala ma ji duto mane nigi yiedhi odokoe joma omew nikech mwandune mathoth. To osekethe mana kuom sa achiel kende, mi odoko gunda!

Fweny 18:21

“Eka malaika maratego noting’o kidi machalo gi pong’ maduong’, mi obolo e nam, kowacho niya, “Mano e kaka dala maduong’ mar Babulon nobol piny, mi ok nochak onene kendo ngang’!

Fweny 18:8

Mano omiyo masichene chieng’ moro nopoye chieng’ achiel. Masichego gin tho gi ywagruok kod kech, kendo nowang’e pep gi mach, nimar Ruoth Nyasaye moseng’adone bura nigi teko maduong’!”